Territoriu Británicu d'Ultramar

De Uiquipedia
Saltar a: navegación, buscar

Los Territorios británicos d'ultramar (British overseas territories, n'inglés) son catorce territorios pertenecientes al Reinu Xuníu que nun formen parte integrante del mesmu. Trátense de colonies vieyes que nun s'independizaron o votaron pa siguir siendo territorios británicos.

Estos territorios tienen de ser estremaos de les dependencies de la CoronaIslles Anglonormandes (Jersey y Guernsey) y la Islla de Man—, que tienen un estatus distintu con respectu al Reinu Xuníu. Tampoco tienen de ser confundíos colos reinu de la Commonwealth.

Anguaño, los territorios dependientes nun tán alministraos direutamente pol Reinu Xuníu sinón que tienen el so propiu gobiernu que les alministra, y el Reinu Xuníu encargase de la so proteición, de les rellaciones esteriores y asuntos de negocios.

Nun tienen representación nel Parllamentu Británicu y refuguen les propuestes pa incluyilos como parte del Reinu Xuníu.

A la Reina Sabela II conócesela, nestos territorios, como reina del Reinu Xuníu, a diferencia de lo qu'asocede nos reinos de la Commonwealth, onde ye conocida como reina d'esos mesmos países (ex. en Canadá ye la Reina de Canadá, n'Australia como Reina d'Australia...)

Cada territoriu tien un gobernador escoyíu pol monarca del Reinu Xuníu, que trabaya como representante del Gobiernu de La So Maxestá». Los gobernadores encárguense y tienen el poder de la seguridá nel territoriu y de la representación ente'l territoriu y el Gobiernu Británicu; tamién eslleen la llexislatura y actúen pa faer cumplir les lleis. Dependiendo del nivel de poder, suelen ser más simbólicos o tener mayor rellevancia. Tolos gobernadores suelen proceder del Reinu Xuníu.

Lista de Territorios[editar | editar la fonte]

Bandera Escudu Territoriu Británicu d'Ultramar Población Superficie Capital Reclamaos por
Flag of Anguilla.svg Coat of Arms of Anguilla.svg Anguilla (Nel Caribe. Comprende les siguientes islles: Anguilla, Anguillita, Dog, Little Scrub, Prickly Pear, Sandy, Seal y Sombrero) 13.477 hab. (2006) 102 km² The Valley -
Bandera de Bermudes Coat of arms of Bermuda.svg Les Bermudes (N'América del Norte nel Atlánticu. Comprende más de 150 islles, les más importantes son: Gran Bermuda, Saint George, Saint David, Somerset, Irlanda, Boaz) 66.163 hab. (2007) 53,3 km² Hamilton -
Flag of South Georgia and the South Sandwich Islands.svg Coat of arms of South Georgia and the South Sandwich Islands.svg Islles Xeorxa del Sur y Sandwich del Sur (Allúguense nel Océanu Atlánticu Sur. Comprende les islles Xeorxa del Sur y Sandwich del Sur) 26 hab. (2006) 3.903 km² Grytviken Arxentina
Flag of the Cayman Islands.svg Coat of arms of the Cayman Islands.svg Islles Caimán (Allúguense al noroeste de Xamaica, ente la islla de Cuba y la costa d'Hondures, n'agües del Mar Caribe. Comprende principalmente trés islles: Gran Caimán, Caimán Brac, y Pequeño Caimán) 69.000 hab. (2008) 260 km² George Town -
Flag of the Falkland Islands.svg Coa Falkland.svg Islles Malvines (Allúguense nel Océanu Atlánticu Sur. Comprende más de 200 islles, les más importantes son: Gran Malvina y Soledad) 2.967 hab. (2005) 12.173 km² Stanley Arxentina
Flag of the Pitcairn Islands.svg Coat of Arms of the Pitcairn Islands.svg Islles Pitcairn (Allúguense nel Océanu Pacíficu dientro de Polinesia. Comprende les islles Pitcairn, Sandy, Oeno, Henderson y Ducie) 48 hab. (2007) 47 km² Adamstown (Islles Pitcairn) -
Flag of the Turks and Caicos Islands.svg Coat of arms of the Turks and Caicos Islands.svg Islles Turques y Caicos (Allúgase nel Mar Caribe. Inclúi les Islles Turques: (Gran Turca, Cayo Sal) y les Islles Caicos: (Caicos del Oeste, Providenciales, Caicos del Norte, Caicos Central, Caicos del Este, Caicos del Sur, Cayo Ambergris, Cayo Pine, Cayo Parrot) 30.600 hab. (2008) 417 km² Cockburn Town -
Flag of the British Virgin Islands.svg Coat of Arms of the British Virgin Islands.svg Islles Vírxenes Britániques (Allúguense na canal de Francis Drake, al este de Puertu Ricu, n'agües del Mar Caribe. Comprende más de 50 islles, les más importantes son: Tórtola, Virgen Gorda, Jost Van Dyke, Anegada, Peter Island y Salt Island) 23.098 hab. (2006) 153 km² Road Town -
Flag of Gibraltar.svg Coat of arms of Gibraltar1.svg Xibraltar (Allúgase nel Peñón de Xibraltar que domina la oriella norte del estrechu qu'une'l mar Mediterraneu y l'Océanu Atlánticu, al que da'l so nome. Nel sur de la Península Ibérica) 28.875 hab. (2008) 6,8 km² Xibraltar España
Flag of Montserrat.svg Coat of arms of Montserrat.svg Montserrat (Allúgase al sureste de la islla de Puerto Rico, n'agües del Mar Caribe. Comprende la Islla de Montserrat, dividida en 3 Parroquies ( Saint Anthony; Saint Georges y Saint Peter) 4.819 hab. (2007) 102 km² Plymouth -
Bandera de Saint Helena Coat of arms of Saint Helena.svg Saint Helena (Nel Océanu Atlánticu ente África y Suramérica. Trátase de varios archipiélagos dividíos nel Área Alministrativa de Saint Helena (122 km²) y 2 dependencies d'esta: Ascensión (91 km²) y Tristan da Cunha (207 km²) 6.563 hab. (2008) 420 km² Jamestown -
Flag of the British Antarctic Territory.png Coat of arms of the British Antarctic Territory.svg Territoriu Antárticu Británicu (ye una reclamación qu'abarca toles tierres al sur del paralelu 60° S, ente'l meridianu 20° O y 80° O. Reclámales el Reinu Xuníu pero too reclamu nel Área ta suspendíu n'aplicación del artículu 4 del Tratáu Antárticu de 1959 vixente) 200 milit. y civiles (2005) 1.709.400 km² - Arxentina y Chile
Flag of the British Indian Ocean Territory.svg Coat of arms of the British Indian Ocean Territory.svg Territoriu Británicu nel Océanu Índicu (Abarca unes sesenta islles tropicales nel Océanu Índicu, a metá de camín ente África ya Indonesia, aproximadamente nes coordenaes 6°S, 71°30'E. Comprende los archipiélagos de Chagos, Aldabra, Farquhar y les islles de Des Roches siendo la más grande Diego García con 44 km²) 3.500 hab. y milit. (2005) 60 km² Diego García Mauriciu y Seychelles

Ver tamién[editar | editar la fonte]

Enllaces esternos[editar | editar la fonte]