Tazones

Tazones.

Tazones ye una parroquia y una villa marinera del conceyu asturianu de Villaviciosa. Ta formada por dos barrios: Samiguel y San Roque.

Etimoloxía

Según Xosé Lluis García Arias, nel so llibru "Pueblos asturianos: el porqué de sus nombres", l'aniciu del nome de Tazones taría nel llatín STATIONEM (puertu). Según la lleenda popular, por embargu, procedería bien de los "estacones" a los que s'amarraben les embarcaciones nel puertu, bien a los tazones de lleche que los llugareños ofrecieron al emperador Carlos V cuando llegó al pueblu.

Anguaño la importancia del sector servicios (principalmente bares y restoranes) ye grande na economía de la villa, especialmente centrada na atención a los turistes. N'otros tiempos foi la pesca y la caza de la ballena l'actividá más importante del pueblu y que nos últimos tiempos foi perdiendo puxu. Igualmente ye valoratible l'aprovechamientu económicu que se fai de la Ría de Villaviciosa, especialmente de la estracción d'amasueles. El colectivu pesqueru de la villa ta integráu na Cofradía de Pescadores «S. Miguel».

Cuando venía de Flandes a ocupar el tronu d'España, Carlos I entraría nel país al traviés del puertu de Tazones en 1517.

El cascu históricu de Tazones tien el reconocimientu de Bien d'Interés Cultural.