Tay Zonday

De Uiquipedia
Saltar a: navegación, buscar
Tay Zonday

Adam Nyerere Bahner (nacíu el 6 de xunetu de 1982),más conocíu pol alcuñu Tay Zonday, ye un cantante. compositor y teclista estaunidense.

El so cantar "Chocolate Rain" apurrió-y un bultable éxitu gracies al videu homónimu espublizáu en abril de 2007 nel portal YouTube[1].

Biografía[editar | editar la fonte]

Zonday, d'ascendencia europea y africana, ta llicenciáu en Estudios Americanos pola Universidá de Minnesota, de la ciudá de Minneapolis na que reside. Tamién estudió na Academia de Matemátiques y Ciencies d'Illinois ente 1997 y 1998, estudios que nun acabó, sicasí algamó una diplomatura nel The Evergreen State College.

En cuantes a la so formación musical, el propio Zonday tien dicho en delles entrevistes que ye un 'güerfanu musical', ensin influencies nin preferencies musicales concretes. Nesi sen, l'artista tien señalao que la so formación musical ye cásique dafechu autodidacta, y que les sos composiciones tienen l'envís de la orixinalidá como mayor enfotu.

Obra[editar | editar la fonte]

Tres de la repercusión algamada pol repetitivu cantar "Chocolate Rain" en los países de fala inglesa, Zonday tien asoleyaos dellos cantares, la mayoría embaxo llicencies Creative Commons o adautaciones de pieces de dominiu públicu. Amás d'ello, tien fechos dellos trabayos publicitarios qu'aprovechen el so éxitu, ente los que rescampla la versión "Cherry Chocolate Rain" pa una firma de refrescos.

La llista de los sos cantares, n'orde cronolóxicu, ye:

  • "Demons on the Dance Floor"
  • "Love" (con Kooby)
  • "Never Gonna Give You Up" (versión del cantar de Rick Astley)
  • "Chocolate Rain"
  • "Internet Dream"
  • "The Only Way"
  • "Do the Can't Dance"
  • "Say No to Nightmares"
  • "Someday"
  • "Too Big for You"
  • "Get It Back" (Thug Remix)
  • "Cherry Chocolate Rain"
  • "Chasing Eden"
  • "Crash into Weird"
  • "Start Me Up" (version karaoke del cantar de los Rolling Stones)
  • "Remembering You"
  • "Explode"
  • "Brighter Days"

Referencies[editar | editar la fonte]

  1. YouTube - "Chocolate Rain" Original Song by Tay Zonday

Enllaces esternos[editar | editar la fonte]