Taxón de Lazarus

De Uiquipedia
Saltar a: navegación, buscar

En paleontoloxía, un Taxón de Lázarus (plural taxa) ye un taxon o miembru d'un catálogu qu'esapaeció nuna o más etapes del periodu fósil y dempués torna apaecer. El términu fai referencia al Nueu Testamentu, más en concreto a la historia de Lázaru, que resucitó. Los taxones de Lázaru son especies que se daben por esapecíes dafechu y que fueren alcontraes y aseverada la so esistencia de mou ciertu en dómines posteriores. El Taxón de Elvis por contra dase cuando apaecen noticies de qu'una especie que se da por esaniciada dafechu nuna dómina foi atopada n'otra pero nun se tien certeza científica completa d'esi socesu. Tamién se llama así cuando hai confusión y se da por esistente una especie cuando, en realidá, ye o yera otra. La datación fósil ye imperfeuta y tien erros, en particular cuando la cantidá d'especímenes ye baxu. Cuando se descubre un erru, el taxón esapaez de la llista. El términu "Efeutu Lázaru" o "Especie Lázaru" tien tamién della aceptación en neontoloxía, estudiu de los animales anguaño esistentes, por contra la paleontoloxía. Cuando un organismu apaez vivu dempués de que se lu considerara estintu dafechu, por exemplu, na Llista Colorada de la IUCN, fálase con estos términos. Exemplo d'esto son el [Wollemi Pine], el [Jerdon's Courser], el [Picaniellu de Picu d'ébanu], y el [Takahe], un páxaru non volador endémicu de Nueva Zelanda.

Pa una completa llista d'animales redescubiertos pue consultase esti mesmu artículu n'inglés.