Tónica (bébora)

De Wikipedia
Tónica (bébora)
Nome Tónica (bébora)
Detalles
Ingredientes agua carbonatao y quinina (es) Traducir
Más información
[editar datos en Wikidata]
Esti artículu fai referencia a la bébora, pa otros usos de la pallabra, ver Tónica

L'agua tónica, o cenciellamente, tónica ye un refrescu carbonatáu arumatizáu con quinina. La bébora toma'l nome de los efeutos médicos d'esti arumatizante amarguxo. La quinina ye un alcaloide que s'estrái de la carpeza del árbol de la quina, y tien propiedaes antipirétiques, analxésiques y antimalaria.

La bébora surdió en Paso de los Toros, Uruguái, au amestaron quinina al agua carbonatao como midida de profilaxis escontra la malaria. El so consumu inicial amenorgóse a les colonies ingleses de les estayes tropicales d'Asia y África; pero llueu espardióse per tol mundu.

Orixinalmente, la fórmula de la tónica namái incluyía agua carbonatao y quinina, con grandes proporciones d'esta cabera, lo que provocaba un tastu mui amarguxo. Col pasu del tiempu la cantidá de quinina amenorgóse a cantidaes nimies dende'l puntu de vista médicu, per aciu de los efeutos secundarios que tienen les altes dosis d'esta sustancia, polo qu'agora namái s'usa en cantidaes equivalentes a una cuarta parte de la dosis terapéutica y namái pol so sabor.

La tónica ye usao davezu nuna bébora nomada gin tonic, que ye un entemez de xinebra y tónica. Amás de les versiones estándar de la bébora, viéndense tamién versiones ensin zucre o arumatizaes con llimón (bitter lemon) o llima (bitter lime). La bébora relluma baxo lluz ultraviola (lluz prieta) darréu de la so fluorescencia natural del sulfatu de quinina que ta presente nella. Marques de tónica:


Referencies[editar | editar la fonte]

Enllaces esternos[editar | editar la fonte]