Spanta la Xente
| Spanta la Xente | |
|---|---|
| Datos | |
| Tipu | grupu de rock |
| Xéneru | rock, pop, Folk rock, Ska, reggae y música tradicional |
| Sellu discográficu | La Mula Torda |
| País |
 España |
| Orixinarios de | La Pola |
| Fecha fundación | 2007 |
| Web oficial | |
 | |
Spanta la Xente ye un grupu asturianu de folk rock con tintes reggae, pop y ska que canta n'asturianu.
Historia[editar | editar la fonte]
El grupu formaríase a finales de 2006 y entamu de 2007. Esi mesmu añu debutaríen nel Festival Astur-Romanu de Carabanzo. Nel Festival participaben grupos como Corquiéu o Nuberu, polo que tuvieron que facer una prueba pa ser aceptaos quince díes enantes la fecha'l conciertu. [1][2]
Grabaríen una maqueta que tuvo ésitu al vender 500 copies nuna selmana, llegando una d'eses copies a manes de Chus Pedro, vocalista de Nuberu. En 2009 espublizaríen el so primer discu, Fíos d'esta tierra, que con canciones protesta sobre la situación la minera n'Asturies y la cuenca minera. El discu contenía canciones como «El mio pueblu» o «Alienda» amás del so gran ésitu «Díes de barricá», que tornaríase en himnu de les protestes mineres.[3]
En 2011 saldría a la lluz Alienda, un discu muncho más rock ya reivindivativu. Esti foi'l segundu discu que produciría Chus Pedro baxo'l so sellu discográficu La Mula Torda. Revolucionando sería'l so tercer discu, esta vez autoproducíu, y que tien por filo conductor una dómina polítca inestable ya escura que refléxase nos sos testos, que otra vegada vuelven a ser reivindicativos y políticos, con especial atención a la llucha de clas.[3]
Miembros[editar | editar la fonte]
- Gerardo Fernández Hevia (Tinto) - Voz
- Rubén Fernández del Corro (Rami) - Guitarra
- Xulio Fernández Coro - Teclados
- Saúl Quiñónes Tuñón - Gaita, Xiblates
- Natalia González Prieto - Violín
- Héctor Torre - Baxu
- Xuán - Batería
Discografía[editar | editar la fonte]
- Fíos d'esta tierra (2009)
- Alienda (2011)
- Revolucionando (2015)
Referencies[editar | editar la fonte]
- ↑ A. Velasco (17 d'agostu de 2017). «"Spanta la Xente" cierra el círculo» (castellán). Pola (Ḷḷena): La Nueva España. Consultáu'l 13 de mayu de 2018.
- ↑ «Entrevista a Spanta la Xente» (25 de febreru de 2015). Consultáu'l 18 de mayu de 2018.
- ↑ 3,0 3,1 Pablo R. Guardado (13 d'abril de 2015). Spanta la Xente: “Nestos tiempos que cuerren, los grupos tamos obligaos a canalizar al traviés de la música’l sentimientu del pueblu”. http://asturies.com/entrevistes/spanta-la-xente-%E2%80%9Cnestos-tiempos. Consultáu'l 18 de mayu de 2018.
