Spainsat

Spainsat
	satélite de comunicaciones
Llocalización
Historia y usu
Llanzamientu espacial	11 marzu 2006
Masa	3683 kg

Spainsat ye un satélite espía español, destináu a les comunicaciones militares y gubernamentales. El satélite permite les telecomunicaciones de les estremaes misiones de les Fuercies Armaes Españoles nel estranxeru. Ufierta cobertura a una gran zona que va dende los Estaos Xuníos hasta Sudamérica, pasando per África, Europa y Oriente Mediu.

El satélite pertenez a Hisdesat (Hispasat (43%), Ingeniería y Servicios Aeroespaciales (30%), EADS Casa (15%), Indra Espacio (7%) y Sener (5%)) la so inversión nun entamu foi de 415 millones d'euros. Contruyólu Space Systems Loral en California ((EEXX) y la so vida útil ye d'a lo menos 15 años. La masa del satélite al despegue yera d'unos 3.700 quilogramos. Ta equipáu con tresponedores en banda X y ún en banda K militar. Asítiase nuna órbita xeoestacionaria a 36.000 quilómetros d'altititú y a 30 graos oeste penriba l'Océanu Atlánticu.

El satélite ufierta cobertura a xeres humanitaries, seguridá ya intelixencia, operaciones militares, unvíu d'imáxenes, servicios a embaxaes y comunicaciones gubernamentales d'España.

Llanzamientu[editar | editar la fonte]

El satélite llanzóse'l 11 de marzu de 2006 a les 22:33 GMT dende la base aeria de Kourou, na Guyana Francesa per un cohete Ariane 5 ECA de la empresa Arianespace (ESA).

Referencies[editar | editar la fonte]

Enllaces esternos[editar | editar la fonte]