Socialdemocracia

De Uiquipedia
Saltar a: navegación, buscar
Eduard Bernstein (1850-1932): Políticu socialdemócrata alemán y fundador de la teoría evolucionaria del socialismu pente medies de reformes parllamentaries.

La socialdemocracia ye una ideoloxía política que surdió a finales del sieglu XIX a partir del movimientu socialista. La socialdemocracia moderna estrémase d'otres concepciones del socialismu pola manera qu'interpreta'l significáu ya implicaciones d'esi términu, especialmente en materies polítiques: «La Internacional Socialista fundóse va cien años pa coordinar la llucha mundial de los movimientos socialistes democráticos pola xusticia social, la dignidá humana y la democracia. Nella axuntaron partíos y organizaciones de tradiciones distintes, que compartíen l'oxetivu común del socialismu democráticu. A lo llargo de la so hestoria, los partíos socialistes, socialdemócrates y llaboristes defendieron los mesmos valores y principios. Los socialistes democráticos llegaron a proclamar estos valores per caminos bien distintos, a partir del movimientu obreru, de los movimientos populares de lliberación, de les tradiciones culturales d'asistencia mutua y de solidaridá comuñal en munches parte del mundu. Tamién tienen raigaños nes diverses tradiciones humanistes del mundu. Pero anque esistan diferencies ideolóxiques y culturales, tolos socialistes comparten la concepción d'una sociedá mundial pacífica y democrática, con llibertá, xusticia y solidaridá».

Mientres pa los socialdemócrates talos principios representen la esencia del socialismu, otros, definiendo'l socialismu nel significáu que xeneralmente se tien del marxismu, refuguen esta interpretación.

La socialdemocracia tamién enceta los temes valóricos dende un prisma progresista.

Los socialdemócrates caracterícense poles sos polítiques reformistes amestaes a la participación ciudadana, a la protección del mediu ambiente y a la integración de minoríes sociales nes democracies modernes.

Ye'l sector de la izquierda política más representáu del mundu contemporaneu.

Ver tamién[editar | editar la fonte]

Enllaces esternos[editar | editar la fonte]