Papa Sistu I

De Uiquipedia
(Redirixío dende Sistu I)
Saltar a: navegación, buscar
San Sistu I
SixtusI.jpg
Nome Sixtus o Xystus
Nacencia nun se conoz
Roma
Entamu papáu 115
Fin papáu 125
Predecesor San Alexandru I
Socesor San Telesforu

San Sistu I (Roma, ? - 125) foi obispu de Roma dende'l 115 fasta'l 125, magar les dates del so pontificáu son duldoses, dependiendo de les fontes varien ente'l 114 o 119 fasta'l 124 o 128.

So pá nomábase Pastor pero desconozse cualquier otru datu de la so infancia. Sicasí hai dalgunos historiadores que creyen que'l so nome real nun yera Sistu, sinón qu'esti nome foi adoptáu como sestu socesor de San Pedru.

Yá como papa conócense trés decretos de so:

  • Que'l cáliz fore tocáu namái polos sacerdotes.
  • Que los obispos convocaos nel Vaticanu nun pudieren ser recibíos nes sos diócesis si nun amosaben una carta apostólica.
  • Que l'oficiante recitare'l Sanctus cola xente enantes de celebrar la misa.

Morrió pel 125, sigún la tradición como mártir pero San Irenéu (sieglu II) nun lu menta como tal, y foi enterráu nel Vaticanu. Nun se sabe con seguridá si'l so cuerpu foi treslladáu pa l'acrópolis d'Alatri nel 1132.

La so festividá celébrase'l 6 d'abril.

Predecesor:
Alexandru I
Emblem of the Papacy SE.svg
115-125
Socesor:
Telesforu