Simone Signoret

De Uiquipedia
Saltar a: navegación, buscar
Casque d'or

Simone Signoret, de nome verdaderu Simone Kaminker, foi una actriz francesa, nacida'l 25 de marzu de 1921 en Wiesbaden (Alemaña), baxo la ocupación francesa que siguió a la Primera Guerra Mundial, muerta'l 30 de setiembre de 1985 en Autheuil-Authouillet, Normandía, Francia.

Biografía[editar | editar la fonte]

Ye la fía mayor d'André Kaminker (1888-1961), un xudíu polacu traductor que tendrá qu'escapar a Gran Bretaña en 1940, y de la so muyer francesa, apellidada Signoret. Tuvo dos hermanos, Alain y Jean-Pierre.

Bloqueada en Bretaña pola guerra en 1939-45, foi alumna del institutu de Vannes, onde tuvo dellos meses por profesora d'historia a Lucie Aubrac, de la que fala La nostalgie n'est plus ce qu'elle était.

Escueye, como nome artísticu, sustituir l'apellíu del padre (Kaminker), pol de so madre (Signoret).

Conoz a Yves Allégret en 1943 y cásense en 1948. La so fía Catherine nació'l 9 d'abril de 1946. Esi mesmu añu, la so carrera ye llanzada cola película, Macadam pola que gana'l premiu Suzanne Bianchetti en 1947. Allégret dará a Simone Signoret los sos primeros papeles importantes como en Dédée d'Anvers. N'agostu de 1949, dexa al so maridu pa dir a vivir con Yves Montand col que se casa n'avientu de 1951 y col que vivirá hasta la so muerte.

El 4 d'abril de 1960, gana l'Oscar de la meyor actriz pola so interpretación nel film Les Chemins de la haute ville de Jack Clayton. Ye la segunda actriz francesa en recibir esi premiu, depués de Claudette Colbert que lu ganó en 1935 pol so papel d'Ellie Andrews en New York-Miami. Pero Claudette Colbert dexara Francia a una edá temprana y nacionalizárase americana, por ello Simone Signoret ye normalmente considerada como la primera actiz francesa n'obtener esi premiu. Habrá qu'esperar hasta 2008 y la consagración de Marion Cotillard pa qu'otra actriz francesa la suceda. Ye durante la so estancia nos Estaos Xuníos pa recoyer el so Oscar que Simone Signoret y Yves Montand s'atopen con Marilyn Monroe, entós casada col escritor Arthur Miller. Les dos parexes simpaticen y Marilyn impón a Yves Montand p'actuar al so llau en Let's Make Love de George Cukor. Simone Signoret torna pa Francia mientres que la unión apasionada — y conocía por toos — entama entre Montand y Marilyn Monroe pero'l francés vuelve cola so muyer depués de la promoción del film.

De vuelta a Francia depués de participar en delles películes nos Estaos Xuníos entre 1965 y 1968, Simone Signoret interpretará papeles fuertes y con puxu, en dellos casos políticos como en L'Aveu de Costa-Gavras.

En 1976, asoleya la so autobiografía: La nostalgie n'est plus ce qu'elle était y en 1985 la novela: Adieu Volodia.

En 1977, la so interpretación de Madame Rosa nel film La Vie devant soi, valió-y pa ganar el César a la meyor actriz.

A partir de 1981, la salú de Simone Signoret (que fuma y bebe muncho) deteriórase; sufre una primera operación de la vesicula, depués, va quedando progresivamente ciega aveugle non distinguiendomás que siluestes de los oxetos. Muerre'l 30 de setiembre 1985, a los 64 años.

La cantante Nina Simone escoyó'l so nome artísticu n'homenaxe a Simone Signoret, la so actriz preferida.

Filmografía[editar | editar la fonte]

Teatru[editar | editar la fonte]

Premios[editar | editar la fonte]

Bibliografía[editar | editar la fonte]

  • La nostalgie n’est plus ce qu’elle était, memories de Simone Signoret, Éditions du Seuil, París, 1975.
  • Adieu Volodia, de Simone Signoret, Éditions Fayard, París, 1985.
  • Les souvenirs et les regrets aussi..., memories de Catherine Allégret, Éditions Fixot, París, 1994.
  • Simone Signoret : biographie, por Huguette Bouchardeau, Éditions Flammarion, París, 2005.

Enllaces esternos[editar | editar la fonte]