Siervu

De Wikipedia
Siervu
rellación social
Cambiar los datos en Wikidata

La pallabra siervu (del llatín servus) designa una forma de venceya social y xurídica -típica del feudalismu- ente una persona, davezu un campesín, y un señor feudal.

El siervu estrémase del esclavu en que nun pue ser vendíu, en xeneral, por separtáu de la tierra a la que trabaya, y xurídicamente ye un home llibre.

Carauterísticu de la servidume d'un siervu yera'l conxuntu d'obligaciones consinaes tales como la incapacidá del siervu d'alquirir o vender bienes raíces, sometimientu a l'autoridá política, xudicial y fiscal del señor feudal, obligación d'emprestar servicios militares al so señor y la entrega de parte del so trabayu o productu. La condición de siervu yera hereditaria y nun podía abandonar la so tierra ensin el permisu del so señor.

Normalmente, cuando predominaba la servidume, la tierra por sí sola nun podía vendese porque taba asociada con poderes políticos (de la mesma manera que'l Rei d'España nun pue vender España). En cambéu, la tierra podía tresferise per aciu de guerres o esponsales.


Referencies[editar | editar la fonte]

Enllaces esternos[editar | editar la fonte]