Shuriken

De Uiquipedia
Saltar a: navegación, buscar
Dellos tipos de shuriken.

Un shuriken (xaponés 手裏剣; lliteralmente: "espada escondida na mano") ye un arma disimulada tradicional del Xapón usada davezu p’arrefundir, y a veces pa pinchar o p’acuchellar. Son fueyes afilaes que se caltienen na mano, feches d’una variedá d’elementos cotidianos como aguyes, clavos y cuchiellos, asina como monedes, arandeles y otres llámines planes de metal.

N’Occidente los shuriken conócense davezu como "estrelles llanzables ", "estrelles ninja" o (equivocadamente) "estrelles chines", magar que tuvieron munches formes y diseños diferentes a lo llargo’l tiempu. Les principales variedaes de shuriken son el bo shuriken (棒手裏剣, bastón shuriken) y el hira shuriken (平手裏剣, shuriken planu) o shaken (車剣, tamién lleío kurumaken, rueda shuriken).

Los shuriken yeren funcionaben sobre too como suplementu de les armes más habituales nel arsenal d’un guerreru, como’l katana (espada) o’l yari (llanza), anque davezu xugaben un papel táuticu que dependía de los llances de la batalla. L’arte de remanar el shuriken llámase shurikenjutsu, y enseñábase sobre too como materia secundaria del currículum d’artes marciales de munches escueles famoses, como la Yagyu Shinkage-ryu, Tenshin Shoden Katori Shinto-ryu, Itto-ryu, Kukishin-ryu y Togakure-ryu.

Bo Shuriken[editar | editar la fonte]

Bastonucu cilíndricu, angular o planu d’estremaos formatos.

Bo Shuriken.

Clasificación[editar | editar la fonte]

  • Hari gata – bastonucu o aguya.
  • Kugi gata – en forma de clavu.
  • Hogo gata/Te yari gata – en forma de llanza.
  • Kunai gata – en forma de punzón.
  • Ryobari gata/Ryohashi tsurugi gata – llámina de dos puntes.
  • Tanto gata – en forma de puñal.
  • Kankyuto gata – en forma de palu d’espetar una cabeza decapitada.
  • Mesu gata – en forma de forqueta d’orniar el pelo femenino.
  • Matsuba gata/Enbi ken – en forma, respeutivamente, de pinu o de rau d’andarina.
  • Negishi Ryu Shuriken – shuriken de la escuela Negishi Ryu.
  • Kogai – utilizáu como forqueta xaponesa pal pelo y como llimpiador del ceruyu los oyíos.
  • Wari kogai – asemeyáu a un kogai cortáu al mediu, tamién utilizáu como paliyu de comer.
  • Umbari – pieza de corte tresversal y triangular fecha n’aceru.
  • Kozuka/Gokatana – cuchiellu pequeñu d’usu xeneral, o como puñal de bolsu.

Hira Shuriken[editar | editar la fonte]

Llámina plana con más de trés puntes, normalmente hasta ocho. N’Occidente conócense como "estrelles ninja". Nel Xapón antiguu usábense muncho, pa distrayer a los enemigos, darréu que cuando les arrefundíen, pol reflexu de la lluz, podíen facer que’l contrariu se desconcentrara. Usábense tamién p’apotar en dalguna parte del cuerpu, causando daños o la muerte. Los ninja tamién emplegaben dalgunos velenos nes sos llámines, pa que n’alcanzando al adversariu’l velenu entrara na so circulación sanguínea, torgándo-y la llucha y sacando ventaya sobre él.

Clasificación[editar | editar la fonte]

Según les puntes[editar | editar la fonte]

  • Nipo shaken - 2 puntes
  • Shiho shaken - 4 puntes
  • Goho shaken - 5 puntes
  • Roppo shaken - 6 puntes
  • Shichi ho shaken - 7 puntes
  • Happo shaken - 8 puntes
  • Kuho shaken - 9 puntes
  • Jippo shaken - 10 puntes
  • Ju yon po shuriken - 14 puntes
Senban Shuriken.

Según la forma[editar | editar la fonte]

  • Hangetsu shaken – media lluna
  • Hishi gata shuriken – rombu
  • Senban shuriken – cuadráu
  • Juji shaken – cruz
  • Tsume shaken – garra
  • Manji shaken – cruz esvástica invertida (símbolu budista/shintoísta que representa la bona suerte)
  • Tatami juji shaken – plegable, con formatu abiertu de cruz

Enllaces esternos[editar | editar la fonte]