Shaheed Minar

De Uiquipedia
Saltar a: navegación, buscar
Shaheed minar Roehl.jpg

El Shaheed Minar (en bengalí: শহীদ মিনার) ye un monumentu nacional asitiáu en Dhaka, en Bangladesh, fechu pa conmemorar a los mártires del movimientu pola conservación de la llingua materna nel 1952. (Shaheed significa mártir).

Pa entender la situación que llevó al nacimientu d'esti monumentu tenemos de recordar que Bangladesh, fasta'l 1971, era la parte oriental del Pakistán, polo que llamabase Pakistán oriental. La llingua oficial era l'Urdu, que falabase nel Pakistán occidental (l'actual Pakistán) y la llingua bengalí, anque la falaben más de cien millones de persones, nun esfrutaba de los mesmos drechos.

Esto llevó nel añu 1952 al nacimientu d'un movimientu de protesta: el Movimientu pola llingua (en bengalí: ভাষা আন্দোলন; Bhasha Andolon). el 21 de febreru de 1952 docenes d'estudiantes y activistes políticos morrieron cuando la policía pakistanina abrió fueu sobro los manifestantes que pidíen pa la so llingua nativa, el bengalí (en bengalí: বাংলা; ˈbaŋla), los mesmos drechos que la llingua urdu. La masacre tuvo llugar cerca de la Facultá de Medicina ya'l parque de Ramna, en Dhaka. Esa mesma nueche construyóse un monumentu por estudiantes universitarios de Dhaka y otres instituciones, pero les fuerces paquistanines desaniciaronlu de secute.

El primer Shaheed Minar, llevantáu el 22 de febreru de 1952. La policía y l'exércitu del Pakistán desaniciaronlu cuatro díes dempués.

Al final trunfa'l movimientu pola llingua y, dempués d'años de conflictu, nel añu 1956 el gobiernu central cede y concede l'estáu de llingua oficial al bengalí, que consigue d'esti mou los mesmos drechos que l'urdu. N'alcordanza de los mártires Hamidur Rahman, un escultor llocal, proyeutó y construyó el Shaheed Minar. El monumentu remaneció nel llugar fasta la guerra del añu 1971 cuando los militares paquistaninos desaniciaronlu demientres les aiciones escontra los civiles que causaron 3.000.000 de víctimes.

Tres la independencia de Bangladesh el monumentu reconstruyóse. Güei el Shaheed Minar ye'l centru de les actividaes culturales de Dhaka.

El 21 de febreru faise alcordanza de les víctimes del esterminiu y recientemente la Unesco escoyó la mesma data como Día Internacional de la Llingua Materna.