Sermersooq
 |
|
| País |  Dinamarca |
| Rexón autónoma |  Groenlandia |
| Ciudá más poblada | Nuuk (Godthåb) |
| Superficie | 635.600 km² |
| Población | 21.232 hab. (2010) |
| Densidá de población | 0,033 hab./km² |
Sermersooq (en groenlandés: Kommuneqarfik Sermersooq) ye una municipalidá de Groenlandia. Nacida cola nueva organización alministrativa del país, operativa dende xineru de 2009, comprende'l territoriu de los antigües municipalidaes d'Ammassalik, Ittoqqortoormiit, Ivittuut, Nuuk y Paamiut. Les dos primeres formaben l'antiguu condáu de Tunu, y les otres taben integraes nel condáu de Kitaa. Comprende 635.600 km² de tierres del este y el suroeste del país y ye, colos sos 21.232 habitantes[1], la más poblada de les municipalidaes. La so capital, Nuuk (nomada Godthåb polos daneses), yelo tamién de tou'l país.
Índiz |
Xeografía [editar]
La municipalidá, qu'ocupa'l sur y parte del este de Groenlandia, llenda: al norte col Parque Nacional de Groenlandia del noreste; al NO cola municipalidá de Qeqqata; al NNO cola de Qaasuitsup; y al sur cola de Kujalleq; al oeste col mar de Labrador; y al este col océanu Atlánticu. Al sureste del territoriu atopamos el estrechu de Dinamarca, que separa la islla de Islandia.
Poblaciones y asentamientos [editar]
- Arsuk
- Ikkatteq
- Isortoq
- Itterajivit (nome danés: Illukasiit/Kap Hope)
- Ittoqqortoormiit (nome danés: Scoresbysund)
- Kangilinnguit (nome danés: Grønnedal)
- Kapisillit
- Kulusuk (nome danés: Kap Dan)
- Kuummiut
- Nuuk (nome danés: Godthåb)
- Paamiut (nome danés: Frederikshåb)
- Qeqertarsuatsiaat
- Sermiligaaq
- Tasiilaq (nome danés: Ammassalik)
- Tiniteqilaaq
