Senabria

Senabria ye'l nome que se da a la fastera asitiada al noroeste de la provincia de Zamora.

Sitúase ente los cimbrios de les sierres de La Culebra, Segundeira y La Cabreira Baxa, testando con Galicia, La Cabreira, La Carbayeda, Los Valles y Portugal.

Na mayor parte'l so territoriu fálase (anguaño con poca vitalidá) llionés. Na zona occidental fálase gallego-portugués, llingua que tien mayor vitalidá que l'anterior.

Hestoria

Senabria foi habitada por tribus ástures y d'aquella queden castros y muries defensives.

Los romanos fundaron l'actual La Puebla baxo'l nome d' Urbs Senabria, agrupándola nel mesmu conventu xunto a la rexón de Bragança.

En 921 constrúise'l monesteriu de Samartín de Castañeda, al que'l rei llionés Ramiru II reconoz en 940 los drechos de posesión a los frades. En 952 Ordoñu III da-yos los drechos de pesca sobre'l llagu de Senabria. El dominiu del monesteriu ye mui fuerte na redolada hasta l'aniciu del sieglu XIX.

En 1103 el rei Alfonsu IX concede'l Fueru de Senabria.

Conceyos de Senabria

Llista de conceyos de Senabria:

• Asturianos
• Cobreiros
• Galende
• Hermisende
• La Puebla
• Lubián
• Palacios
• Pedralba
• Pías
• Porto
• Requeixu
• Robleda
• Rosinos
• San Justu
• Samartín
• Trefaciu