Sega Dreamcast

De Uiquipedia
Saltar a: navegación, buscar

Dreamcast ye la cabera videoconsola de sobremesa producida por SEGA, foi desendolcada xunto con Hitachi y Microsoft. La Dreamcast ye la sucesora de la Sega Saturn y foi llanzada pa echar fuera del mercáu a la PlayStation de Sony y la Nintendo 64 de nintendo. Pertenez a la Sesta Xeneración de consoles. Detúvose la so produción en marzu de 2001 tres la decisión de Sega de dedicase n'esclusiva a la programación de videoxuegos.

Les sos principales carauteristiques son: el so llector ópticu GD-ROM y el so procesador Hitachi. El sistema foi'l primeru en llevar un módem pa xugar on-line.

Esti sistema de videoxuegos foi pensáu pa recuperar el mercau perdíu ante PlayStation de Sony y asina nuevamente ganar la popularidá perdida cola Sega Saturn. Equipóse a la consola d'una unidá óptica especial que remana un formatu de discos ópticos llamaos GD-ROM y por último el so diseñu foi enfocáu pal xuegu n'internet, como Xbox (consola posterior). La consola tuvo bona aceptación nos sos primeros díes d'estrenu pero en plena popularidá SEGA retírala del mercáu porque la compañía sufría problemes económicos.

Hestoria[editar | editar la fonte]

En 1997, Sega Saturn taba peleando nos mercaos principales como Norteamérica, Xapón y Europa pero con pocu ésitu, asina que'l presidente de Sega América, Bernie Stolar, dio a conocer los primeros rumores de la socesora de Sega Saturn que finalmente sedría la Dreamcast. En 1997, nel E3, Bernie Stolar fizo pública la so opinión que " The Saturn is not our future " (Saturn nun ye'l nuesu futuru), refiriendose que la consola ya nun tien futuru.


Diseñu

Cuando llegó´l momentu del diseñu de la sucesora de la Sega Saturn, el nuevu presidente de SEGA, Shoichiro Irimajiri, tomó la rara decisión de contratar a Tatsuo Yamamoto d´IBM n´Austin, pa tar al frente del desencolcu de la prosima consola de SEGA. Fizose aína una evidente ruptura nel desencolcu de la consola