Satélites d'Uranu

De Uiquipedia
Saltar a: navegación, buscar
Uranu y les sos llunes mayores. De izquierda a derecha: Urano, Puck, Miranda, Ariel, Umbriel, Titania y Oberón. Los diámetros son a escala, pero les distancies non.

Uranu, el sétimu planeta del sistema solar, tien 27 satélites conocidos y con nomes definitivos. Mentantu que la mayoría de los cuerpos celestes del nuesu sistema solar reciben nomes de la mitoloxía grecorromana, les llunes uranianes reciben los de so de diversos personaxes de les obres lliteraries de William Shakespeare y Alexander Pope. William Herschel descubrió les dos primeres, Titania y Oberón, en 1787; lleven el nome de la reina y el rei de les fades de la obra shakesperiana A midsummer's night dream (El sueñu d'una nueche braniega). Otres dos llunes de forma esférica foron descubiertas en 1851 por William Lassell. Los sos nomes, como los dos anteriores, foron decidíos por Herschel, a pitición de Lassell, en 1852. Esti decidió nomalas Ariel, como la sílfide del poema The rape of the lock (El rizu robáu), d'Alexander Pope, y un personaxe de The tempest (La tempestá) de William Shakespeare; y Umbriel, como otru personaxe d'El rizu robáu. La cabera de les llunes clásiques (les que foron descubiertes primero de la era espacial) foi descubierta en 1948 por Gerard Kuiper, y recibió'l so nome, Miranda, d'otru personaxe de La tempestá. El viaxe de la sonda espacial Voyager 2 y l'ayuda de modernos telescopios permitieron atopar los otros ventidós satélites uranianos.

Porcia, Cresida y Ofelia.

En 1986 la sonda Voyager 2 descubrió otros diez satélites, con un diámetro que varía (menos el de Puck, que tien 160 km) ente los 40 y 80 km de diámetru. Son, n'orde alfabéticu, Belinda, Bianca, Cordelia, Creseida, Desdémona, Julieta, Ofelia, Porcia, Puck y Rosalina. Cordelia y Ofelia son satélites pastor de los bordes interior y esterior del anillu épsilon, el más esternu d'Uranu. Los otros ocho tienen órbites circulares ente los anillos y Miranda, que ye la más interior de les llunes clásiques; Puck ye'l más cercanu a ella. Los satélites restantes foron descubiertos na década de 1990 gracies al telescopiu espacial Hubble.

Porcia, Julieta y Mab.

Les llunes d'Uranu divídense en trés grupos: cinco llunes grandes, yá nomaes; trece llunes interiores; y nueve llunes de forma irregular. Les llunes interiores son pequeños cuerpos oscuros que comparten colos anillos del planeta les sos propiedaes y el so orixe. Les llunes grandes son lo bastante grandes pa tener algamao el so equilibriu hidrostáticu, y en cuatru d'elles hai nicios d'actividá interna, col desendolcu de procesos volcánicos y de formación d'escobios na so superficie. La mayor de toes, Titania, tien 1.578 km de diámetru, lo que la convierte, con una masa venti veces menor que la de la Lluna, na octava lluna más grande de tou el sistema solar. Toes les anteriores orbiten ente Urano y Oberón. Per fuera d'elles orbiten, n'orbites mui elíptiques y perinclinaes y mui alloñaes del planeta, les llunes irregulares.

Tabla de datos[editar | editar la fonte]

Nome Diámetru(km) Masa(kg) Radiu orbital mediu (km) Períodu orbital (días) Imaxe
Cordelia 40,2 4,5×1016 49.752 0,3350 Ofelia-cordelia.jpg
Ofelia 42,8 5,4×1016 53.764 0,3764
Bianca 51,4 9,3×1016 59.165 0,4346 Inset-ura bianca-large.gif
Crésida 79,6 3,43×1017 61.767 0,4636
Desdémona 64 1,78×1017 62.659 0,4737 Uranus-Desdemona-NASA.gif
Julieta 93,6 5,57×1017 64.358 0,4931 Uranus-Juliet-NASA.gif
Porcia 136 1,68×1018 66.097 0,5132
Rosalinda 72 2,54×1017 69.927 0,5585 Rosalind.jpg
Cupido 12 1,2×1015 74.800 0,618
Belinda 80,6 3,57×1017 75.255 0,6235 Belinda.gif
Perdita 80 4×1017 76.400 0,6380
Puck 162 2,89×1018 86.004 0,7618 Uranus moon Puck.png
Mab 16 4×1015 97.730 0,923
Miranda 472 6,59×1019 129.872 1,4135 Miranda.jpg
Ariel 1158 1,35×1021 191.020 2,5203 Ariel (moon).jpg
Umbriel 1169,4 1,17×1021 266.300 4,1442 Umbriel (moon).jpg
Titania 1577,8 3,52×1021 463.300 8,7059 Titania (moon) color cropped.jpg
Oberón 1522,8 3,01×1021 583.519 13,4632 Voyager 2 picture of Oberon.jpg
Francisco 12 1,3×1015 4.276.000 266,56
Calibán 98 7,3×1017 7.231.000 -579,73*
Stefano 20 6×1015 8.002.000 -676,5*
Trínculo 10 7,5×1014 8.571.000 -758,1*
Sicorax 190 5,4×1018 12.179.000 -1.288,28*
Margarita 11 1015 14.345.000 1687,01
Próspero 30 2,1×1016 16.243.000 -1.977,29*
Setebos 30 2,1×1016 17.501.000 -2.234,77*
Ferdinando 11 1,3×1015 20.901.000 2887,21*

* Los períodos orbitales negativos indiquen que'l satélite tien una órbita retrógrada (esto ye, opuesta a la rotación del planeta).



Sistema Solar
Solar System XXVII.png
Estrella: Sol
Planetes: Mercuriu | Venus | Tierra | Marte | Xúpiter | Saturnu | Uranu | Neptunu
Planetes nanos: Ceres | Plutón | Eris
Oxetos menores: Asteroides | Centauros | Oxetos tresneptunianos | Cometes | Meteoroides
Otros: Lluna | Io | Europa | Ganimedes | Calistu | Titán | Tritón | Cinturón de Kuiper | Nube d'Oort | Fobos | Deimos | Satélites de Xúpiter | Satélites de Saturnu | Satélites d'Uranu | Satélites de Neptunu | Caronte