San Esteban (Salamanca)

De Uiquipedia
Saltar a: navegación, buscar
San Esteban (Salamanca)
San Esteban de la Sierra.JPG
Llocalización
Término municipal de San Esteban de la Sierra.svg
Xentiliciu:[1] breveru/-a
Xeografía
Comunidá: Bandera de Castiella y Lleón  Castiella y Lleón
Provincia: Flag of None.svg  Salamanca
Mancomunidá Entresierras
Comarca: La Sierra de Francia
Partíu xudicial: Béjar
Mayor altitú: 623 msnm
Población: 365 hab. (2011)
Área: 20,83 km²
Densidá: 17,52 hab./km²
Entidaes de población: 2 llugares
Cabeza del conceyu: San Esteban/Santisteban
Códigu postal: 37671
Pref. telefónicu: 987
Política (2011)
Alcalde: Antonio Agustín Labrador (PP)
Sitiu web oficial
http://aytosanesteban.es/ -

San Esteban o Santisteban (oficialmente San Esteban de la Sierra) ye un conceyu allugáu na comarca de La Sierra[2][3], na provincia de Salamanca (Rexón de Llión), na comunidá autónoma de Castiella y Llión, (España).

Datos básicos[editar | editar la fonte]

El pueblu alcuéntrase a una distancia de 63 km de Salamanca, la capital provincial. En 2011 cuntaba con una población de 365 habitantes (187 varones y 178 muyeres) nuna superficie de 13,61 km². La so mayor altitú ye de 623 m sobre'l nivel de la mar. El so códigu postal ye 37671.

Historia[editar | editar la fonte]

Prehistoria y romanización[editar | editar la fonte]

Sábese que La Sierra tuvo habitada dende la prehistoria gracies a les pintures rupestres afayaes en delles partes de la comarca. Les más conocíes son les de la llera de Cabras pintás, de les que fala Lope de Vega nel so llibru "Las Batuecas del duque de Alba". Estes pintures foron repetidamente repintaes dende'l Neolíticu hasta la Edá del Fierro.

Nel conceyu de San Esteban, concretamente, destaquen les grandes piedres de granitu escavaes en suelu, que s'albidra como pertenecientes a la llamada cultura de los llagares. Piénsase que sirvíen como duernu y prensa na ellaboración del vinu dende hai miles d'años.

Los antepasaos de los serranos yeren los vetones, un pueblu prerromanu instaláu nel centro-oeste de la Península Ibérica, pero que sufrió la conquista romana hacia'l sieglu I e.C. Los vetones cuntaben con una serie de divinidaes que conservaron hasta dempués de la invasión musulmana (sieglu VIII) y que tán presentes nes figures de los bordaos serranos y en dalgunes cases solariegues.

Edá media[editar | editar la fonte]

La Puente vieja d'orixe romanu

En La Sierra estableciéronse un númberu importante de xudíos nes repoblaciones del Reinu de Llión, exerciendo nos más de los casos como plateros, ferreros, zapateros, curtidores, tenderos y otros oficios polos que según los Fueros y Ordenances taben exentos de pagar arriendos y tomar avecindamientu. A entamos del sieglu XIII la situación de los xudíos na comarca podría catalogase de privilexada. Equí s'atopaba l'alxama de Miranda y los xudíos de Linares y Tamames. Pero hebo otros noyos d'importancia en San Esteban, Sequeros y Samartín, con barrios propios nos que la so alcordanza guardóse na toponimia llocal (barriu de la judría).

Ente 1492 y 1498 la so espulsión conllevó a que non solo nun pudieron caltener la so situación privilexada, sinón que fueron víctimes de persecución y vexación per parte de los serranos, al puntu de que dalgunos xudíos influyentes de Miranda espresaron estos agravios a los reis.

Por una Carta Real prohibióse a los serranos que «nun fixeren mal nin dañu (a los xudíos) nes sos personas nin compren los sos bienes nin cosa dala de lo suyo» porque inxustamente, dalgunos mirandeses, con escrituras falses «andaben buscando y tomando lo suyo contra ellos»

Tres la orde d'espulsión ente les distintes soluciones poles qu'optaron tuvo la d'abandonar La Sierra ensin llegar a salir del reinu lleonés, estableciéndose en tierres de Ciá Rodrigu.

Tiense noticia d'un xudíu que pidió xusticia: Yntidólides, vecín de San Esteban que demandaba deldes d'arriendu a unos serranos nada menos que por valir de 306.500 maravedíes, cantidá que nun pudo cobrar por mor del apremiu con que los mandaron salir. Conozse que Yntidólides yera prestamista y que salió en 1493, pero s'estima que tornó conversu.

Según Cea Gutiérrez, na Ermida del Humilladeru de San Esteban consérvense representaciones iconográfiques de xudíos, siendo ésti'l grupu más importante pa La Sierra en cuantes al estudiu iconográficu xudíu. Trátase de varies tables con escenes de la pasión: flaxelación, coronación d'espines, resurrección… Nun esiste documentación sobro la obra pero pue atribuyise, ensin dulda, a un artista llocal de finales del sieglu XVI o principios del XVII.

El 3 de xunetu del añu 1489 por privilexu de los Reis Católicos los plateros de la ciudá de Salamanca quedaben exentos del pagu de ciertes alcabales por llabrar oru y plata, asina como por compralo ya llabrao. Esta exención facíase estensible a la Tierra de Salamanca y Ciá Rodrigu y a les poblaciones serranes de ciertu relieve como Samartín, San Esteban y Miranda, les trés con una vecindá considerable de xudíos, dellos, conversos o non, trabayaríen l'oru y la plata.

Sieglos XVII y XVIII[editar | editar la fonte]

Nel sieglu XVII y como maestru plateru llocal destaca Pedro de Pedraca, plateru de la villa de San Esteban que trabayó ente 1627 y 1652 en San Esteban y Miranda. Conócese-y el trabayu d'una cruz ellaborada en plata dorada en 1651.

Nel "Libro de los lugares y aldeas del Obispado de Salamanca", manuscritu datáu entre 1604 y 1629, faise una descripción detallada sobro les ilesies y ermides qu'había en San Estevan. D'elli se deduz que daquella San Esteban yera un pueblu prominente, que foi arcedianalgu circunscripción de gran tamañu dependiente del Obispáu de Salamanca y qu'al mesmu tiempu se divide n'unidaes más pequeñes, los arciprestalgos. Na época en que'l visitante percorría la provincia, San Estevan yera cabeza d'arciprestalgu al empar que Monleón lo yera tamién del Arciprestalgu de San Estevan:

Cquote1.svg «Este lugar dista de Salamanca diez leguas, tiene 250 vezinos (familias, la cercana Santivañez tenía 20 vezinos y por la misma fecha Monleón contaba con 40), tiene una iglesia de San Estevan con tres naves y una capilla maior muy graciosa, nueba y luzida toda la iglesia, con retablo muy bueno y tres altares muy curiosos, su tribuna grande y buena y un buen portal con sus arcos de cantería y una torre, con tres campanas, buenas, y un redox, tiene muy buenos ornamentos ricos y curiosos, particularmente un palio que costó 4.000 reales y todo está muy bien acomodado, tiene todo el servicio del altar de plata y con la buena traza y diligencia del arcipreste y los vecinos está esta iglesia muy de ver. Desde Aquí comienzan los lugares de la Sierra. Este lugar es caveza de arciprestazgo (..)» Cquote2.svg

Entóncenes existíen otres ermides:

Cquote1.svg «Ay una ermita de nuestra señora dentro del lugar, está bien tratada, todo es limosnas lo que tiene. Hay otra ermita de Sant Juan, media legua del lugar, que yo visité, a donde acude xente quando ciembran y el agosto y dícese misa algunos días, no tiene renta. Aquí ay otra ermita de nuestra Señora, que fue lugar donde se despobló y reduxo a este lugar y su renta se reduxo a la iglesia de San Estevan, ay un umilladero de la Cruz, muy curioso, de cantería, a donde está la cofradía de la Bera Cruz.» Cquote2.svg

Nel sieglu XVIII , nes Memories Económiques de D. Eugenio Larruga dizse de San Esteban lo siguiente:

Cquote1.svg «San Estevan de la Sierra, villa eximida de la provincia de salamanca esta sobre un arroyuelo de poco curso que va a desaguar al Alabón . Se gobierna por alcalde ordinario.»….… «Se recoge un poco de lino»….«En San Estevan de la Sierra hay tres telares, que apenas texen al año mil varas que se consumen por los mismos que los hacen labrar» (llinu) Cquote2.svg

Sieglu XIX endelantre[editar | editar la fonte]

Ḥuanfría y Los Torozos

Asina describe Pascual Madoz a San Esteban nel so "Diccionario Geográfico Estadístico", espublizáu cerca de 1850.

Cquote1.svg Villa con Ayuntamiento en la provincia y diócesis de Salamanca, partido judicial de Sequeros en la provincia de Castilla la vieja. Situada en una ladera dominada por cuatro grandes montañas en todas las direcciones goza de buen clima más en el verano se padecen calenturas debidas a las estancaciones que deja el rio Alagón. Se compone de unas 180 casas de regular construcción divididas en tres barrios en medio de las cuales hay varias heredades, un pósito con 200 fanegas de fondo, escuela de instrucción primaria concurrida por 70 niños y niñas, iglesia parroquial San Esteban, servida por un cura de término y de provisión ordinaria, una Ermita Humilladero, un santuario llamado Nuestra Señora de Rando y un cementerio que en nada perjudica a la salud de los vecinos. Hay en el pueblo cinco fuentes, una de ellas con caño en medio de la plaza de cuyas aguas usan todos sus habitantes. Conlinda el término por el norte con el de San Miguel de Valero, al este con el de Los Santos, al sur con Cristóbal y Valdefuentes y al oeste con Santibáñez y Valero. Corre por él a muy corta distancia del pueblo el río Alagón, cuyo cauce es muy escarpado, por lo cual no se aprovechan sus aguas más que para dar movimiento a algunos molinos harineros.

El terreno es ligero, arenisco y regularmente productivo si bien todo de secano. Los caminos conducen, unos del centro de la sierra a Salamanca, al cual llaman la "Calzada de Tornadizos" y la de Alba a Salamanca que se dice "De Pajares".

Produce vino, aceite, castañas, frutas, lino y cereales, hay ganado lanar, vacuno, y cerdo. Poca caza mayor y menor. Cquote2.svg

Nesti mesmu sieglu, nel mapa de Salamanca de Francisco de Coello "Atlas de España y sus Posesiones de Ultramar", recuéyese la esistencia d'un conventu dientro del propiu cascu urbanu, güei desapaecíu.

San Esteban nun foi ayenu al éxodu rural qu'afaró los territorios rurales llioneses, pesie al despegue económicu afaláu pola apertura de la bodega cooperativa de vinu cola producción de caldos de calidá y col puxante desenrollu del turismu rural.

Idioma[editar | editar la fonte]

La fala de San Esteban y Santibañes[4] asina como la del restu de la comarca perteneció primitivamente al asturiano-llionés (queden delles güelgues dialeutales), sufriendo más tarde una influyencia meridional (na fonética) y, sobretoo, una asimilación a la fala vulgar castellana.

Los rasgos asturllioneses (como la epéntesis de la yod en la terminación, la conservación de la -e tres /d/ o /t/, la palatalización de l- y n- o la conservación del grupu -mb-, aspiración de la /F/ anicial llatina /h~x/ -ḥelechu-, perda de la /R/ cabera del infinitivu énte pronome enclíticu -matalu, bebelu...-) tán mui difuminaos, anque caltién grande parte de les soluciones gramaticales (inserción d'artículu énte l'axetivu posesivu -la mi casa-). D'otra banda, los rasgos meridionales (como l'aspiración de la fricativa velar xorda y de la /s/ implosiva) marquen un fuerte contraste cola fala del restu de la provincia.

Pesie a caltener una gran influyencia del asturlleonés, poseye dalgunes comitencies vasques y mozárabes, sobremanera nel léxicu.

Con too ello podemos encuadrar esta "parra" dientro de la fala estremeña.

Demografía[editar | editar la fonte]

Las Ḥuantes d'Abaju, una antigua fontana.

Evolución demográfica de San Esteban (Salamanca), nel sieglu XX.


Referencies[editar | editar la fonte]

  1. Ver nel Uiccionariu.
  2. (1976) en Centro de Estudios Salmantinos: Las comarcas históricas y actuales de la provincia de Salamanca (en español), 128. «La Sierra de Francia Alta comprende, más o menos, los siguientes municipios: Linares, El Tornadizo, San Miguel de Valero, La Bastida, Cilleros de la Bastida, Cereceda, El Cabaco, Maíllo, Monsagro, La Alberca, Nava de Francia y Arroyomuerto. A La Sierra de Francia Baja pertenecen Valero, San Esteban de la Sierra, Santibáñez de la Sierra, Garcibuey, Las Casas del Conde, San Martín del Castañar, Villanueva del Conde, Monforte de la Sierra, Miranda del Castañar, Madroñal, Cepeda, Herguijuela de la Sierra, Sotoserrano, Pinedas, Molinillo, hallándose Sequeros en una posición intermedia. (…) Después de haber estado varias veces en Monsagro, pueblo que no conocía en 1974, tengo que rectificar, pues evidentemente, y desde todos los puntos de vista, Monsagro a pesar de hallarse en la vertiente suroeste de la Sierra de Francia, pertenece al Campo de Agadones, a la Sierra de Gata. (…) Hoy, con mejor conocimiento de causa que en 1974, creo que Sequeros y San Martín del Castañar deben ser incluidos en la Sierra de Francia Alta, mientras como acabo de decir, El Tornadizo pertenece a la Sierra de Francia Baja»
  3. (1976) en Centro de Estudios Salmantinos: Las comarcas históricas y actuales de la provincia de Salamanca (en español), 51. «A juzgar por lo que se dice en el fuero, y en otros documentos, la Sierra incluiría no sólo la Sierra de Francia propiamente dicha y toda la depresión del alagón si no también toda la Sierra de Tamames o Navarredonda o Escurial, es decir, la alineación montañosa que va desde Linares y San Miguel de Valero hasta el puerto de la Calderilla y las inmediaciones de Tamames y que constituye un ramal transveral de la propia Sierra de Francia»
  4. "El habla de Santibáñez" José Luis Herrero Ingelmo

Enllaces esternos[editar | editar la fonte]