Salem

Situación de Salem nel estáu y nel condáu de Marion

Salem ye la capital del estáu d'Oregón, y tamién la del condáu de Marion (Estaos Xuníos). Ta asitiada nel centru del valle de Willamette, nel calce del ríu homónimu. Esti parte la ciudá en dos, y dexa'l barriu de West Salem dientro del territoriu del condáu vecín de Polk.

Nel añu 2000 vivíen nella 136.924 persones, y se calcula que a mediaos del 2008 la so población yera de 154.510 habitantes. Esto la convierte na tercer ciudá, dempués de Portland y Eugene, más poblada del estáu. Ye tamién, el centru principal del área metropolitana de Salem, que comprende los condaos de Marion y Polk y que axuntaba, según el censu del añu 2000, a 347.214 persones. Les estimaciones del Centru d'investigación en población de la Portland State University-y atribuyen 378.570 habitantes (2007), lo que convierte a esta aglomeración na segunda mayor del estáu.

La so economía depende enforma del empléu públicu: 13.000 persones trabayen pa l'alministración del estáu. Ente les empreses privaes destaquen les industries de tresformación de productos del campu, el Salem Hospital, un casinu y la universidá más antigua d'ente les del oeste de los Estaos Xuníos, la Willamette University.