La Playa'l Nataoyo

De Wikipedia
(Redirixío dende Sablera de Poniente)

43°32′32″N 5°40′18.53″W / 43.54222°N 5.6718139°O / 43.54222; -5.6718139

La Playa'l Nataoyo
Ficheru:Símbolo Playa Accesible.svg
Carauterístiques xenerales
Llonxitú 500 m.
Anchor mediu 150 m.
Grau ocupación Alta
Grau urbanización Alta
Carauterístiques específiques
Composición Sustratu arenosu
Tipu sable Dorao
Condiciones bañu Folaxe sele
Aspectos medioambientales
Zona protexida
Seguranza
Equipu de vixilancia
Señalización de peligru
Policía llocal
Equipu salvamentu
Accesibilidá
Accesible a discapacitaos
Tipu d'accesu

Fácil

(Rodáu, a Pie)
Señalización d'accesu
[editar datos en Wikidata]

La playa'l Nataoyo[1] o Arenal de Pando (modernamente conocida como Playa de Poniente) ye una de les trés playes urbanes coles que cuenta la ciudá asturiana de Xixón, les otres dos son la de San Llorienzo y la l'Arbeyal mientres que'l conceyu de Xixón cuenta con otres seis. Asitiada nel barriu d'El Nataoyo, ye de calter artificial y foi creada a mediaos de los años 1990, llueu de que tres décades d'intensa actividá industrial la sablera fora degradada.

Historia[editar | editar la fonte]

Esta playa vien de recibir dellos nomes a lo llargo del tiempu, como Arenal de la Trinidá (pola cercana capiella de La Trinidá), pero tamién Arenal del Paséu, Arenal de Nataoyo, Playa de Pando o El Playón.

Foi la más usada polos xixoneses enantes de que se popularizara la de San Llorienzo, ello ye que la reina Isabel II llegó a visitala en 1858. Ente 1875 y 1885 llévase a cabu la degradación de l'Arenal de Pando, que ye atapecíu por material de rellenu pa trazar cais como la de Marqués de San Esteban y les dársenes de la «Sociedad de Fomento». Posteriormente instálense industries como l'aserraderu «Demetrio F. Castrillón y Cía.», los primeros astilleros, «Cifuentes, Stoldt y Cía.», el mataderu municipal, la «Compañía Asturiana de Artes Gráficas»; y nos años 40 del sieglu XX, «Astilleros del Cantábrico». Esta industrialización masiva desanició dafechu'l vieyu arenal.

Al desapaecer la industria'l conceyu llevó a cabu la reconstrucción de la sablera, anque'l llugar nun coincidiera de manera exacta cola so ubicación anterior. Nesi tiempu esbilláronse dellos nomes, optando finalmente por ún de nueva creación ensin usu popular; la Playa de Poniente.

Carauterístiques[editar | editar la fonte]

Alcuéntrase na parte oeste de la ciudá, na zona del barriu d'El Nataoyo, col puertu deportivu como llende oriental. Tien una llonxitú d'unos 500 metros y una superficie d'unos 140.000 metros cuadraos en baxamar y unos 60.000 cola mar enllena. Ye mui baturicia y de fácil accesu, con una amplia escalinata central y accesu pa persones con dificultaes de movilidá, y con presencia del equipu de salvamentu en temporada estival.

Instalaciones públiques[editar | editar la fonte]

La Playa'l Nataoyo cunta con varies duches nes sos trés zones (oeste, central, y este), amás de dellos "llavapiés".

Tamién dispón d'una pasarela, que namás se coloca pel branu. Esta pasarela lleva dende la parte de la escalinata central (empieza na planta inferior del edificiu de salvamentu) hasta un puntu allugáu a 10 metros de la oriella la mar.

Salvamentu[editar | editar la fonte]

Na zona central del paséu acuéntrase l'edificiu base del equipu de salvamentu, qu'acueye los servicios de vixilancia, salvamentu y primeros auxilios de la playa, coordinados cola Central de Salvamentu instalada na escalera 12 de la Playa de San Llorienzo de Xixón.

La vixilancia compleméntase con un castillete y un mástil asitiaos na redolada onde s'alluga la bandera verde, mariella o encarnada según les condiciones lo aconseyen, si bien esta suel ser verde.

Otros datos[editar | editar la fonte]

  • En xunu, celébrase la festividá de La Foguera de San Xuan a la qu'acuden cientos de persones.

Referencies[editar | editar la fonte]