Sable (arma)

De Uiquipedia
Saltar a: navegación, buscar
Sable de caballería

Nota d'edición: El sable ye'l términu xenéricu por escelencia pa designar a les armes de filu curvaes dende los primeros milenios enantes de la nuesa era. L'asitiar el Sable como "arma de caballería napoleónicu" ye demasiao anacrónico. Ver tamién Categoría:Sables. Otros "sables": Dao, Alfanxe, Bracamarte, Katana, Cimitarra, Talwar, Saif, Yatagán.


El sable ye una espada curva y d'un solu filu, pensada pa cortar, usada davezu en caballería y por oficiales nel sieglu XIX ya inclusive nel XX. Tradicionalmente esti calter curvu de la fueya diferencia al sable de la espada.


Esta arma blanca ye de corte y xurdió pola necesidá de velocidá en combate. Esta llógrase al cortar y nun dexar incrustada la fueya l'arma nel cuerpu l'adversariu (al aviesu de la mayoría de les espaes d'una mano que son d'estocada).

La curvadura que ta asitiada xeneralmente dende la punta fasta la metá'l sable xenera un tayu fondu.

La curvadura del sable, en teoría, pretende consiguir qu'un home a caballu, al descargar el brazu con esti arma, dibuxe un ampliu círculu sobro l'infante algamando que nel puntu de corte'l sable siempres seya tanxente. Por esta razón nun se finca, corta, xorreciendo la firida ensin quedar espetáu. Por esta causa, los sables pensaos pa caballería tienen una gran curvadura, son cuasique circulares. Los pensaos pa infantería tienen una curvadura menor, pues ha concedese importancia a la función defensiva, caltener alloñáu al enemigu y aparar los sos golpes.

Baxo estes considerances, la tradicional katana xaponesa ye téunicamente un tipu de sable, y non una espada.