Sabino Arana Goiri

De Uiquipedia
Saltar a: navegación, buscar
Sabino Arana

Sabino Arana Goiri (1865 - 1903), Arana Goiri'tar Sabin, según el sistema onomásticu qu'él desendolcó, foi un políticu español, consideráu padre del nacionalismu vascu y fundador del Partido Nacionalista Vasco.

Nació'l 26 de xineru de 1865 n' Abando (anguaño parte del municipiu de Bilbao), Vizcaya, y morrió en Pedernales, Vizcaya, el 25 de payares de 1903.

Procedente d'una familia carlista de la anteiglesia d' Abando, Sabino entamó la so educación en Bayona, Francia, onde se exiliaren en 1873 poles idegues carlistes de so pá.

Depués pasó pel colexu xesuita n'Orduña y completó la so formación estudiando filoloxía vasca durante una llarga convalecencia. Interrumpió los sos estudios de Derechu na Universidá de Barcelona al morrer so madre, en 1888. Dende entós, aislláu en so casa d'Albia, dedicóse a la investigación histórica y filolóxica.