Ruan

Ruan (en francés Rouen) ye una ciudá del noroeste de Francia, capital de la rexón de Normandía Alta y del departamentu de Sena Marítimu.

En 1999, Ruan cuntaba 106.592 habitantes.

El conceyu de Ruan estiéndese sobre una superficie de 2.138 ha. (21,38 km²), de les que 179 tán ocupaes pol ríu Sena y 306 por zones verdes.

Anque ta asitiada a 80 km. del estuariu del Sena, Ruan cunta con un importante puertu fluvial y marítimu, qu'ocupa'l primer puestu d'Europa en tresporte de cereales y el primeru de Francia en fariña y abonos.

Ente los monumentos de Ruan, rescampla la catedral, d'estilu góticu.

Museos

• El Musée des beaux-arts ye'l muséu d'arte de la ciudá
• El Musée maritime fluvial et portuaire ye'l muséu sobre la hestoría del puertu y la navegación maritimo.