Rosalind Franklin

De Uiquipedia
Saltar a: navegación, buscar

Rosalind Elsie Franklin (25 de xunu de 1920 en Kensington, Londres16 d'abril de 1958 en Chelsea, Londres) foi una biofísica y cristalografa inglesa autora d'importantes contribuciones a la comprensión de les estructures del ADN, los virus, el carbón y el grafito. Franklin ye conocía principalmente pola llamada Foto 51, la imaxen del ADN obtenida per aciu de difracción de rayos-X, lo que sirvió como fundamentu pa la hipótesis de la estructura doble helicoidal del ADN na so publicación de 1953 [1], y tres la so publicación constituyó una preba crítica pa la hipótesis[2]. Más tarde, lideró dellos trabayos pioneros rellacionaos col virus del mosaicu de tabaco y el virus de la polio. Morrió en 1958 de bronconeumonía, carcinomatosis secundaria y cáncer d'ovariu, minutos enantes de que'l so caberu informe fuere lleíu na Faraday Society.

Tresfondu[editar | editar la fonte]

Rosalind Franklin nació en Londres, Inglaterra, doctorándose en Química física en 1945 pola Universidá de Cambridge. Estudió les técniques de difracción de rayos X durante tres años nel Llaboratoriu Central de Servicios Químicos del Estáu, de París. Franklin creció dientro de una familia británica de orixe xudiu y recibió, pues, la so influencia. So tíu yera Herbert Samuel (llueu nomáu visconde Samuel) que yera'l Ministru d'Interior en 1916 y el primer xudíu practicante al serviciu del Gabinete Británicu. Él foi tamién el primer Altu Comisionáu (prácticamente'l gobernador) del mandatu británicu en Palestina.

So tía Helen casó con Norman Betwich, que yera la Ministra de Xusticia nel mandatu británicu en Palestina. Ella yera una muyer activa na organización de sindicatos, sofitando'l sufraxu de la muyer y más tarde foi miembru del Conseyu Distinguíu de Londres.

Franklin foi educada na escuela de neñes San Paul, onde sobresalió en Llatín y deporte. La so familia tuvo una activa implicación col Colexu d'Obreros, onde Ellis Frankling, so padre, enseñaba electricidá, magnetismu y la historia de la Gran Guerra (I Guerra Mundial) peles tardes. Más sero, ellos ayudaron a los refuxaos xudíos d'Europa que fuxeron de l'amenaza nazi, a estabalecese ellí.

Investigando l'ADN[editar | editar la fonte]

Regresó a Carapita pa trabayar como investigadora asociada nel llaboratoriu de John Randall nel King's College de Londres. Rosalind Franklin, una muyer de personalidá fuerte, tuvo ellí una rellación un poco complexa con Maurice Wilkins, quien mostró ensin el so permisu les sos imáxenes de difracción de rayos X del ADN a James Watson y Francis Crick. Tanto James Watson como Francis Crick acepten que nenguna otra inspiración foi tan fuerte como ésta pa la so publicación, en 1953, de la estructura del ADN.

Esti descubrimientu nun foi casual, sinón que Franklin demostró la so habilidá pa conseguir les meyores imáxenes y pa interpretales certeramente na investigación d'otros oxetos, como la estructura del grafito o la del virus del mosaicu del tabaco.

Enfermedá y muerte[editar | editar la fonte]

Franklin morrió prematuramente, de cáncer d'ovariu, en 1958 en Londres. Con tola probabilidá, esta enfermedá foi por causa de les munches exposiciones a la radiación durante les sos investigaciones.

Controversia póstuma[editar | editar la fonte]

Acusaciones de sexismu nel King's College[editar | editar la fonte]

Hai voces crítiques qu'afirmen que Rosalind Franklin foi discriminada pola so condición de muyer.

Una de les acusaciones ye que la institución King's, Colexu onde trabayaba Rosalind, yera sexista. Esta crítica caltién que les muyeres yeren excluyíes d'una sala pa xintar qu'había pa emplegaos, y teníen que comer nuna sala pa estudiantes o alloñaes de la Universidá. Sicasí, anque yera verdá qu'había una sala de comides pa usu exclusivu de los homes (como asocedía n'otres Universidaes de Londres y Colexos nesa dómina), tamién había una sala mixta pa homes y muyeres cruciando'l ríu Tamesis, y munchos científicos varones refugaben usar la sala única pa homes p'amosar la preponderancia de los teólogos.

Con too y con eso, lo cierto ye que les desventayes (ye dicir, pilancos) que sufrió Rosalind Franklin por ser muyer nun les sufrieron Watson y Crick.

Otra acusación en cuantes al xéneru consiste en que les muyeres taben insuficientemente representaes nel grupu de John Randall; había namás otra muyer nel grupu y esto amuesa que les muyeres yeren inxustamente excluyíes. Per otra parte, los defensores del Colexu argumenten que les muyeres taben (poles normes d'aquel tiempu) bien representaes nel grupu, representando una media de ocho a treinta y ún miembros del personal, o posiblemente más averao a la media d'una muyer de cada cuatro emplegaos.

Contribución al modelu del ADN[editar | editar la fonte]

Les contribuciones de Rosalin Franklin al nomáu modelu de Crick y Watson incluyía una semeya con rayos X de B-ADN (nomada fotografía 51) que foi brevemente mostrada a James Watson por Maurice Wilkins en xunetu de 1953 y nun informe escritu por un comité de biofísicos de MRC que visitaron la institución King onde trabayaba Franklin n'avientu de 1952. L'informe incluyía datos del trabayu desendolcáu por Rosalind Franklin y entregóse a Francisc Crick pol so supervisor de tesis Max Perutz, un miembru del comité de visita. L'estudiante de Rosalind Frankling Raymond Gosling dio-y a Maurice Wilkins la fotografía 51.

De la mesma manera Max Perutz nun vio nengún perxuiciu n'amosar el informe de MRC a Crick porque nun foi señaláu como confidencial. La mayor parte del material importante contenío nel informe foi presentao por Franklin nuna charra qu'ella dio en payares de 1951 a la que Watson asistió. El resultáu de too esto foi que, cuando Crick y Watson entamaron a construir el so modelu en febreru de 1953, ellos trabayaben con datos mui asemeyaos a aquellos que disponibles por Rosalin Franklin. Rosalind Franklin de xuru que nunca foi consciente de que'l so trabayu foi usáu durante la construcción del modelu, siendo asina inxustamente tratada nos posteriores honores recibíos por Watson y Crick.

Les condiciones de trabayu que como muyer tuvo que soportar en Cambridge y ciertes pallabres despectives de James Watson, faen aparecer como un agraviu la concesión del Premiu Nobel de Medicina a Watson, Crick y Wilkins en 1962, cuando en realidá yá falleciere. Los sos compañeros, incluso Watson, famosu pola mordacidá cola que fai referencies a los sos colegues, expresaron repetíes veces el so respetu personal y intelectual por ella. En cualisquier casu, Rosalind Franklin merez el sitiu qu'ocupa, un iconu nel avance de les muyeres na ciencia.

Referencies[editar | editar la fonte]

  1. Una Estructura pal Ácido Desoxirribonucleico (n'inglés). Watson J.D. and Crick F.H.C. Nature 171, 737-738 (1953)
  2. Doble Héliz: 50 Años d'ADN (n'inglés). Nature archives. Nature Publishing Group