Riyadh

De Uiquipedia
Saltar a: navegación, buscar

Riyadh (tamién Riyad[1]; n'árabe: الرياض Ar-Riyāḍ, «Los Xardinos») ye la capital y la ciudá más grande del Reinu d'Arabia Saudita, asitiada na rexón del Nejd. Tamién ye capital de la provincia de Riyadh. Ta nel centru de la Península Arábica, nun gran pandu.

Tien 5.100.000 habitantes, según estimaciones del añu 2008 (aprosimao 20% del país) y ocupa una superficie de 1.554 km². La ciudá ta estremada en 15 seiciones y el so alcalde ye Abdul Aziz ibn Ayyaf Al Migrin.

Ta nuna zona bien greba con bien poques precipitaciones. Por ello, na redoma hai 5 banzaos, 96 depósitos y 467 kilómetros d'acueductos que traen l'agua dende les plantes desalinizadoras del Golfu Pérsicu.

Referencies[editar | editar la fonte]

  1. Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8