Richard Portnow

Richard Portnow
Vida
Nacimientu	Brooklyn, 26 de xineru de 1947 (77 años)
Nacionalidá	Estaos Xuníos
Llingua materna	inglés
Estudios
Estudios	Brooklyn College
Llingües falaes	inglés
Oficiu	actor, actor de televisión, actor de cine, productor de cine, actor de teatru
IMDb	nm0692466

Richard Portnow (26 de xineru de 1947, Brooklyn) ye un actor d'Estaos Xuníos de cine y televisión.

Biografía

La so familia entera ye orixinaria de Brooklyn, Nueva York. Graduóse como actor nel Brooklyn College, nunca rellumó mientres esa dómina, y crítiques que dicíen que "nun tenía nunguna habilidá o talentu" amurniar pa siguir la so carrera como actor.

Portnow tuvo variaos trabayos, foi: camareru, vendedor d'antigüedaes, boxeador, traficante de droga, profesor de quintu grau nuna escuela pública de Nueva York, fisicoculturista, corredor de maratones, diseñador, ximnasta, extra en película, baillarín, etc.

Unu de los papeles pol que ye conocíu ye'l del abogáu defensor Hal "Mel" Melvoin na esitosa serie The Sopranos, onde tien de sacar de prisión a Uncle Juniors (Corrado Sopranu). Portnow interpretó esti papel dende la primer temporada nel añu 1999 hasta la quinta nel añu 2004.

Interpretó al Detective Mastrionotti en Barton Fink (1991), de los hermanos Coen, unu de los dos detectives encargaos de investivar a Barton Fink. En 1995 apaeció en Se7en, faciendo un curtiu papel como'l médicu encargáu de tratar a una de les víctimes del asesín en serie. Otra de les películes importantes onde participó fueron Fear and Loathing in Las Vegas (1998), Ghost Dog: The Way of the Samurai (1999), Say Anything... (1989), Díes de radiu (1987), Happy Accidents (2000) y Good Morning, Vietnam (1987) ente otres.

Amás de la so participación en The Sopranos, apaeció como convidáu n'otres series televisives como Seinfeld, Spin City, NYPD Blue, The Shield y Walker, Texas Ranger.

Enllaces esternos

• Richard Portnow na Internet Movie Database (n'inglés)

• Datos: Q3361195