Ricardo Montalbán

De Uiquipedia
Saltar a: navegación, buscar
Ricardo Montalbán.

Ricardo Gonzalo Pedro Montalbán Merino, (Ciudá de México, 25 de payares de 1920 - Los Ángeles, California, 14 de xineru de 2009), foi un actor mexicanu de televisión, teatru y cine.

Biografía[editar | editar la fonte]

Nació en Ciudá de México y la so familia treslladaríase a Torreón Coahuila (México) onde se crió. Fíu de los emigrantes españoles Genaro Montalbán y Ricarda Merino, tuvo dos hermanos, Carlos (que tamién foi actor) y Carmen. Casó en 1944 cola actriz Georgiana Young, cola que tuvo cuatro fíos: Mark, Victor, Laura, Anita. Católicu practicante, afirmaba que la relixón yera la cosa más importante na so vida. Montalbán tamién yera conocíu poles sos actividaes filantrópiques. Caltuvo la so nacionalidá mexicana por propia elección, ensin solicitar enxamás la ciudadanía de los Estaos Xuníos.

Entamó la so carrera en México na década de 1940 y fíxose conocíu n'EE.XX. en 1948. Cuando llegó a Hollywood, los estudios pretendieron que camudara'l so nome pol de Ricky Martin. Frecuentemente encarnó papeles caracterizáu como asiáticu. Ente 1957 y 1959 actuó en Broadway nel musical Jamaica xunto con Lena Horne. Pola so actuación foi nomináu pal Premiu Tony como meyor actor en musicales.

Quiciabes les sos actuaciones más conocíes foren la del personaxe del Sr. Roarke na serie de televisión La Islla de la Fantasía (al llau del actor francés Hervé Villechaize que fixo'l personaxe de Tattoo) y el que se diz que ye'l meyor villanu na serie de películes de la saga Star Trek: Khan Noonien Singh nel film Star Trek II: La ira de Khan.

Recibió un Emmy al meyor actor secundariu pola serie "How the West Was Won" ("La conquista del Oeste") en 1978. Montalbán continuó trabayando, incluso en siella de ruedes nes sos últimes películes por mor de les sos dolencies llumbares. Morrió en Los Ángeles, California, Estaos Xuníos por mor d'una complicación de cáncer linfáticu.

Filmografía[editar | editar la fonte]

  • Five Were Chosen (1942)
  • The Twig of Seville (1942)
  • The Reason of the Fault (1943)
  • Santa (1943)
  • Flight (1944)
  • Cadets of the Navy (1945)
  • We (1945)
  • The Hour of Truth (1945)
  • The House of the Fox (1945)
  • Pepita Jiménez (1946)
  • Ranch Fantasy (1947)
  • Fiesta (1947)
  • On an Island with You (1948)
  • The Kissing Bandit (1948)
  • Neptune's Daughter (1949)
  • Border Incident (1949)
  • Battleground (1949)
  • Mystery Street (1950)
  • Right Cross (1950)
  • Two Weeks with Love (1950)
  • Mark of the Renegade (1951)
  • Across the Wide Missouri (1951)
  • The Million Dollar Nickel (1952)
  • My Man and I (1952)
  • Sombrero (1953)
  • Latin Lovers (1953)
  • The Saracen Blade (1954)
  • Untouched (1954)
  • A Life in the Balance (1955)
  • The Queen of Babylon (1955)
  • Three for Jamie Dawn (1956)
  • Desert Warrior (1957)
  • Sayonara (1957)
  • Let No Man Write My Epitaph (1960)
  • Rage of the Buccaneers (1961)
  • Hemingway's Adventures of a Young Man (|1962)
  • The Reluctant Saint (1962)
  • Love Is a Ball (1963)
  • Cheyenne Autumn (1964)
  • Good Night, New Year (1964)
  • The Money Trap (1965)
  • The Singing Nun (1966)
  • Madame X (1966)
  • The Longest Hundred Miles (1967)
  • Sol Madrid (1968)
  • Blue (1968)
  • Sweet Charity (1969)
  • The Deserter (1971)
  • Escape from the Planet of the Apes (1971)
  • Sentinels of Silence (1971)
  • Conquest of the Planet of the Apes (1972)
  • The Train Robbers (1973)
  • Won Ton Ton, the Dog Who Saved Hollywood (1976)
  • Joe Panther (1976)
  • Mission to Glory: A True Story (1977)
  • Star Trek II: La ira de Khan (1982)
  • Cannonball Run II (1984)
  • The Naked Gun: From the Files of Police Squad! (1988)
  • Spy Kids 2: Island of Lost Dreams (2002)
  • Spy Kids 3-D: Game Over (2003)
  • The Ant Bully (2006) (voz)

Musicales en Broadway[editar | editar la fonte]

  • Jamaica: 1957-1959

Enllaces esternos[editar | editar la fonte]