República Popular China
Esti artículu ye un entamu, enantándolu, aidarás a meyorar la Uiquipedia
| '中华人民共和国' Zhōng húa rén mín gòng hé gúo República Popular China |
|||||
|
|||||
| Lema nacional: Nun tien | |||||
| Himnu nacional: La Marcha de los Voluntarios | |||||
.svg) |
|||||
| Capital • Población • Coordenaes |
Beixín 17.500.000 39° 55’ N 116° 23’ E |
||||
| Mayor ciudá | Beixín | ||||
| Idiomes oficiales | Chinu mandarín | ||||
| Forma de gobiernu | República socialista Xi Jinping Wen Jiabao |
||||
| Establecimientu | 1 d'ochobre de 1949. | ||||
| Superficie • Total • % agua Llendes Costes |
Puestu 3º 9.671.000 km² 2,8 % 22.117 14.500 km |
||||
| Población • Total • Densidá • Densidá |
Puestu 1º 1.345.000.000 140 ab./km² 140 hab/km² |
||||
| PIB (PPA) • Total (2009) • PIB per capita |
Puestu 2º $ 8.600.000 millones $ 6.427 (2009) |
||||
| Moneda | Renminbi ¥ (CNY) | ||||
| Xentiliciu | Chinu, -a, -o | ||||
| Zona horaria • en Branu |
UTC + 8 nun aplica nengún |
||||
| Dominiu d'Internet | .cn | ||||
| Códigu telefónicu | +86 |
||||
| Prefixu radiófonicu | 3HA-3UZ |
||||
| Códigu ISO | 156 / CHN / CN | ||||
| Miembru de: ONX, OMC, G-20, APEC | |||||
La República Popular China (en chinu 中国, y en pinyin Zhōngguó) ye un país asitiáu nel este d'Asia, el cuartu más grande del mundu en cuanto a estensión territorial. Llenda con 14 países ( Afganistán, Bután, Myanmar, India, Kazakstán, Kirguistán, Laos, Mongolia, Nepal, Corea del Norte, Paquistán, Rusia, Taxiquistán y Vietnam)y ye, colos sos cuasi 1.350 millones d'habitantes, el país más pobláu del mundu.
Tocántenes a la so organización política, ye un réxime de partíu únicu (el Partíu Comunista de China, PCCh) con capital en Beijing. La so organización territorial compriende 22 provincies, cinco rexones autónomes, cuatro municipalidaes (Beijing, Tianjin, Shanghai y Chongqing) y dos rexones con un réxime alministrativu especial y dalgunes capacidaes d'autogobiernu (Hong Kong y Macáu). La República Popular China reclama que Taiwán ye la so vixésimutercer provincia, magar qu'anguaño esta islla forma una entidá política separada, la República de China.
Colos sos 9,6 millones de km² d'estensión, China ye'l segundu mayor país del mundu, y compriende bien de paisaxes distintos desde zones boscoses hasta los desiertos de Gobi y Taklamakan, nel norte y noroeste del país o les biesques subtropicales de la so fastera meridional. El oeste del país ye permontañosu, con cordilleres como l'Himalaya, el Karakoram, el Pamir o el Tian Shan, formaes por delles de les montañes más altes del mundu. Los ríos Yangtze y Mariellu, terceru y sestu más llargos del mundu, nacen na meseta del Tíbet y van desembocar a la zona oriental del país, la más poblada. China tien una llínia costera de 14.500 km², na que llenda con dellos de los mares nos que se sodivide l'oceanu Pacíficu: Bohai, Mariellu, del Este de China y del sur de China.
L'antigua civilización china, una de les más vieyes del mundu, floreció na cuenca del ríu Mariellu, na llanada del norte de China. Demientres dellos milenios, el sistema políticu chinu basábase en monarquíes hereditaries, nomaes dinastíes, a partir del rei semimitolóxicu Xia (2.000 edC). Dende l'añu 221 edC, cuando la dinastía Qin conquistó varios estaos pa formar con ellos l'imperiu chinu, el país foi espandiéndose, frañéndose y reconstruyéndose bien de veces. En 1911 la República de China echó del país a la cabera dinastía, y dirixió'l país hasta 1949. Dempués de la derrota de Xapón na Segunda Guerra Mundial el Partíu Comunista de China derrotó al Kuomintang, d'ideoloxía nacionalista, na China continental, y estableció nella la República Popular China. Esta proclamose en Beijing el 1 d'ochobre de 1949. El gobiernu de la República de China coló pa la islla de Taiwan, que controla xunto con dellos isllotes como los de Penghu, Kinmen o Matsu. El so estatus ye problemáticu, pues ye reconocíu como un estáu dixebráu de China por perpocos países. La República Popular, amás, tien amenazao con ocupar la islla si los sos gobernantes declaren la so independencia, pues considérenla como parte inalienable del territoriu chinu.
Dende la introducción de reformes económiques en 1978 l'espoxigue económicu de China tien sío pergrande. Nel 2013 yá ye la segunda mayor economía pol so PIB, y ye tamién el mayor esportador y importador de bienes del mundu. Tien armes nucleares y el mayor exércitu del mundu, al que dedica'l segundu mayor presupuestu de defensa del planeta. Ye miembru de les Naciones Xuníes dende 1971, cuando-y quitó'l sitiu a la República de China como miembru permanente del so Conseyu de Seguridá. Ye tamién miembru de munches organizaciones internacionales multilaterales: OMC, APEC, Organización de Cooperación de Shanghai. G-20...
Índiz |
Xeografía [editar]
El país ye'l terceru más grande en superficie terrestre. Pola so estensión, tien una gran variedá de paisaxes y fasteres climátiques. Nel este, a lo llargo de la costa del mar Mariellu y del mar de China Oriental, hai llanures aluviales densamente poblaess. La fastera costera del mar de China Meridional ye más montesa y en el sur de China tien una orografía de pandess y pequeños cordales. Na fastera centro del este tan los deltes de los dos mayores ríos: el ríu Mariellu y el Yangtze. Otros ríos importantes son el Ríu de les Perles, el Mekong, Brahmaputra, Amur, Huai He y el Xi Jiang.
Demografía [editar]
Economía [editar]
Política [editar]
División alministrativa [editar]
La Constitución de la República Popular de China establez que'l país ta organizáu en trés niveles d'organización territorial: provincial, de distritu y de cantón. A nivel provincial hai en China 23 provincies, 5 rexones autónomes, 4 municipalidaes y dos rexones alministratives especiales. A nivel de distritu, cada provincia ta dividida en prefectures autónomes, distritos, distritos autónomos y ciudaes. Y a nivel de cantón los distritos y distritos autónomos tán sodividíos en cantones, cantones de minoríes étniques y poblaos. Amás d'estos niveles, el país presenta, de facto, otros dos niveles más d'organización territorial: les prefectures, dientro de les provincies; y los pueblos, dientro de los distritos. Un sestu nivel organizativu perbaxu del de los condaos ta conformáu poles oficines públiques de distritu, que tán desapaeciendo dafechu.
La tabla que vien darréu resume les divisiones alministratives alministraes pola República Popular de China el 31 d'avientu de 2005.
| Nivel | Nomee | Tipos | Pinyin | Númberu | |
| 1 | Nivel provincial 省级行政区 |
Provincies (* China reclama como provincia Taiwán) |
省 | shěng | 22 (23*) |
| Rexones Autónomes | 自治区 | zìzhìqū | 5 | ||
| Municipalidaes | 直辖市 | zhíxiáshì | 4 | ||
| Rexones alministratives especiales | 特别行政区 | tèbié xíngzhèngqū | 2 | ||
| 2 | Nivel prefectural (de facto) 地级行政区 |
Prefectures | 地区 | dìqū | 17 |
| Prefectures autónomes | 自治州 | zìzhìzhōu | 30 | ||
| Ciudaes-prefectures | 地级市 | dìjíshì | 283 | ||
| Ligues (Unidaes alministratives menores de la rexón autónoma de Mongolia Interior) | 盟 | méng | 3 | ||
| 3 | Nivel distrital (o de condáu) 县级行政区 |
Condaos | 县 | xiàn | 1.464 |
| Condaos autónomos | 自治县 | zìzhìxiàn | 117 | ||
| Ciudaes-condáu | 县级市 | xiànjíshì | 374 | ||
| Distritos | 市辖区 | shìxiáqū | 852 | ||
| Banderes (Unidaes alministratives menores de la rexón autónoma de Mongolia Interior) | 旗 | qí | 49 | ||
| Banderes autónomes | 自治旗 | zìzhìqí | 3 | ||
| Áreas forestales | 林区 | línqū | 1 | ||
| Distritos especiales | 特区 | tèqū | 2 | ||
| 4 | Nivel cantonal 乡级行政区 |
Cantones | 乡 | xiāng) | 14.677 |
| Cantones étnicos | 民族乡 | mínzúxiāng | 1.092 | ||
| Municipios | 镇 | zhèn | 19.522 | ||
| Sodistritos | 街道办事处 | jiēdàobànshìchù | 6.152 | ||
| Oficines Públiques de Distritu | 区公所 | qūgōngsuǒ | 11 | ||
| Sumu | 苏木 | sūmù | 181 | ||
| Sumu étnicos | 民族苏木 | mínzúsūmù | 1 | ||
| 5 | Nivel municipal (de facto) 村级自治组织 |
Comunidaes * (社区) |
社区居民委员会 | jūmínwěiyuánhùi | 80.717[1] |
| Pueblos | 村民委员会 | cūnmínwěiyuánhùi | 623.669[2] |
Hestoria [editar]
Referencies [editar]
- ↑ China Statistical Yearbook 2007, Ch. 23-28 Basic Conditions of Civil Affairs Agencies"
- ↑ China Statistical Yearbook 2007, Ch. 23-28, op.cit.
| Países d'Asia | ||
| Afganistán | Arabia Saudita | Armenia | Azerbaixán | Baḥréin | Bangladex | Brunéi | Bután | Camboya | China | Corea del Norte | Corea del Sur | Emiratos Árabes Xuníos | Filipines | India | Indonesia | Iraq | Irán | Israel | Kazakstán | Kuwait | Laos | El Líbanu | Malasia | Maldives | Mongolia | Myanmar | Nepal | Omán | Paquistán | Qatar | Kirguistán | Rusia | Singapur | Siria | Sri Lanka | Tailandia | Taxiquistán | Timor Oriental | Turkmenistán | Uzbequistán | Vietnam | Xapón | Xeorxa | Xordania | Yeme | ||
