Reinu d'Aksum

De Uiquipedia
Saltar a: navegación, buscar
L'imperiu aksumita na espansión máxima.

El Reinu d'Aksum (o Axum) foi un importante reinu comerciante del noreste d'África. Surdió nel períodu protoaksumita alrodiu del sieglu IV edC y establecióse nel sieglu I. Tuvo fondamente implicáu nel comerciu con India y col este del Mediterraneu. Nel sieglu III, Aksum entamó a interferir nel sur d'Arabia, controlando n'ocasiones l'oeste de la rexón de Tihama, ente otres. A fines del sieglu III escomenzó a alcuñar la so propia moneda. El profeta Mani considerabala como ún de los cuatro estaos más poderosos del mundu xuntu al Imperio sasánida, l'Imperiu romanu y China.

Moneda aksumita cola imaxe del rei Ezana.

En 325 o 328 foi'l primer gran imperiu en convertise al cristianismu baxo'l rei Ezana y foi tamién el primer estáu n'emplegar la imaxe de la cruz nes sos monedes. Nel so momentu de mayor rellumu, Aksum controlaba'l norte d'Etiopía, Eritrea, el norte de Sudán, Djibouti, l'oeste de Somalilandia, Yeme y el sur d'Arabia Saudita, con cerca de 1,25 millones de km². Tres una segunda edá d'oru a anicios del sieglu VI, el reinu empecipió a escayer, aparando d'alcuñar monedes a entamos del sieglu VII. Finalmente desapaeció cola invasión de la reina pagana o xudía Gudit nel sieglu IX o X, dando pasu a una era escura de la que poco se sabe hasta l'ascensu de la Dinastía Zagüe.

Reis d'Aksum[editar | editar la fonte]

  • Zoskales, 100 dC.
  • Gadarat, ¿?
  • Adhebah, 230-240
  • Sembrouthes, ¿?
  • Endubis, 270-300
  • Aphilas, ¿?
  • Wazeba, ¿?
  • Ousanas, ¿?-320
  • Ezana, 321-360
  • Mehadeyis, 360
  • Ouazebas, ¿?
  • Eon, 400
  • Ebana, ¿?
  • Nezool,¿?
  • Ousas, 500
  • Kaleb, ¿?
  • Alla Amidas, 540
  • Wazena, ¿?
  • Wa'zeb, ¿?
  • Ioel, ¿?
  • Hataz, 575
  • Saifu, 577
  • Israel, 590
  • Gersem, 600
  • Armah, 614
  • Ashama ibn Abjar, ¿?
  • Dil Na'od, 915

Bibliografía[editar | editar la fonte]

  • Stuart Munro-Hay. Aksum: A Civilization of Late Antiquity. Edinburgh: University Press. 1991. ISBN 0-7486-0106-6
  • Yuri M. Kobishchanov. Axum (Joseph W. Michels, editor; Lorraine T. Kapitanoff, translator). University Park, Pennsylvania: Penn State University Press, 1979. ISBN 0-271-00531-9


Enllaces esternos[editar | editar la fonte]