Reconocencia
De Uiquipedia
La reconocencia ye una fegura del drechu internacional por mor de la cuala un estáu reconoz la esistencia d'otru estáu o d'un nuevu gobiernu d'un estáu que yá esistía. Ye de calter unillateral y discrecional, poro, pue emplegase la reconocencia como instrumentu políticu, sobremanera en países en guerra civil, nos que la reconocencia de namái qu'ún de los gobiernos tien arreyao un sofitu implícitu d'esta opción a la escontra d'otres.
Polo xeneral, la reconocencia suel facese acordies cola situación real, y lo más habitual ye reconocer al gobiernu que tien xurisdicción efeutiva. Sicasí, casos nos que la reconocencia nun se fexo por cuestión política, son el non-reconocimientu por parte la República de México p'hacia'l réxime del xeneral Franco. México siguió reconociendo al gobiernu nel esiliu de la república española como l'únicu válidu del estáu español.
