Ramón Menéndez Pidal

De Uiquipedia
Saltar a: navegación, buscar
Ramón Menéndez Pidal

Ramón Menéndez Pidal (La Coruña, 1869 - Madrid, 1968) foi un filólogu español. Foi l'introductor del criteriu comparatista ya hestoricista nel estudiu de les llingües y lliteratures, sigiendo les corrientes xurdíes n'Alemaña por delles escueles y corrientes filolóxiques del sieglu XIX.

Entama los sos estudios n'Universidá Complutense de Madrid, siendo ellí discípulu de Marcelino Menéndez Pelayo. Doctórase nel 1893. Durante los años siguientes contauta con escritores del momentu y participa con estos na nomada Xeneración del 98, siendo una de les sos principales preocupaciones la revindicación de l'identidá española y la so figura al través de la lliteratura medieval en castellán. N'esti sen, espubliza abundantes trabayos alrodiu esta época que ye convierten nel másimu esponente medievalista lliterariu.

Reinterpretación de l'Hestoria y Lliteratura[editar | editar la fonte]

Menéndez Pidal ye un españolista convencíu. Participa profusamente del positivismu científicu qu'apaez n'Alemaña y que gocia d'amplios sofitos en toa Europa. El positivismu establez la necesidá de que toa afirmación científica debe tomar de basa el mayor númberu de documentos que lu confirmen. Ruempe con una tradición de Menéndez Pelayo y l'escola establecida, basada na pura erudición, y participa del positivismu. Al contautu con escritores y pensadores conviértese aína n'nterpretador, revisando por completu la lliteratura ya hestoria medieval por considerala parte fundamental pa entender el conceutu d'españa que quier introducir les idegues de la Xeneración del 98. Interpreta El Cantar del Mio Cid comu'l testu basa de la nación española na que s'espeya la formación de la llingua castellana y por estensión de la española. Otres obres comu La Epopeya Castellana a Través de la Literatura Española (1910) o La Chanson de Roland y el neotradicionalismo (1959), confirman la pasión de Menéndez Pidal pola figura del Cid, en total comunión con unos collacios de xeneración, algamando'l cume na so obra La España del Cid (1929). Funda con otros eruditos españoles el Centru d'Estudios Hestóricos (1910) que guetaba ente otros oxetivos l'afondamientu n'identidá española al traviés l'hestoria y la llinguística.