Radio y Televisión Nacional de Lituania
Lietuvos nacionalinis radijas ir televizija (n'asturianu, Radio y Televisión Nacional Lituana) ye l'ente públicu de radio y televisión de Lituania. Forma parte de la Xunión Europea de Radiodifusión dende 1993.
Índiz |
Historia [editar]
La radio pública lituana naz el 12 de xunu de 1926, cuando escomiencen les primeres emisiones de radio dende Kaunas, la segunda ciudá más grande del país. Les primeres tresmisiones de televisión tuvieren llugar el 30 d'abril de 1957. Nesi momentu decidió crease en Lituania un grupu de comunicación qu'arrexuntara los servicios públicos de radio y televisión del país, dando orixe al Comité de Radio y Televisión Lituana. Durante la época na que Lituania permaneció dientro de la Xunión Soviética LRT foi l'únicu mediu de radio y TV llegal, tando sometíu al control de les autoridaes comunistes del país.
En 1990, con la independencia de Lituania, LRT adopta el so nome actual. Años más tarde el grupu tendrá qu'afrontar la entrada de competidores privaos en el mercáu audiovisual. En 1993 la LRT ingresa xunta a otres organizaciones na Xunión Europea de Radiodifusión. N'años posteriores camúdase la lexislación pa que la radiotelevisión pública entame a tar xestionada por un Conseyu independiente del Gobierno. En 2003 van crease dos nuevos medios de comunicación públicos: por llau pondrase en marcha "Klasika", dedicada a la emisión de música clásica; y LRT2, el segundu canal de televisión, dedicáu a la emisión de programes de calter cultural y minoritaio. En 2007 entama la diditalización de tolos archivos colos que cuenta la organización. Amás, xurden la nueva emisora "Opus" y la señal internacional de televisión LRT World.
Canales [editar]
Radio [editar]
- LRT Radijas: Nació en 1957 y ye la principal radio pública. Tien calter xeneralista. La so programación básase na información y nel entretenimientu.
- LRT Klasika: Creada en 2003, ta dedicada a la emisión de música clásica.
- LRT Opus: Creada en 2006, ta destinada al públicu xuvenil cola emisión d'una programación de música y entretenimientu.
Televisión [editar]
- LRT Televizija: Nació en 1957 y ye'l principal canal de televisión de LRT. Emite una programación xeneralista dedicada a tolos públicos basada en series, películes, programes d'entretenimientu, informativos, eventos especiales y deportes.
- LRT Kultūra: Segundu canal creáu nel añu 2003. Emite una programación cultural y programes de calter minoritariu, como ciclos de cine o documentales.
- LRT Lituanica: Canal internacional de LRT.
