Radio (receutor)

De Uiquipedia
Saltar a: navegación, buscar
Pa otros usos d'esti términu, ver: Radio (dixebra)
Un receutor de radio.

La Radio ye una teunoloxía que val pa tresmitir señales al traviés de la modulación d'ondes elleutromagnétiques, que se propaguen nel aire y nel vacíu.

Hestoria[editar | editar la fonte]

El físicu italianu Guglielmo Marconi (1874-1937) ta consideráu l'inventor de la radio. Nel añu 1896 patentó'l primer aparatu de radio ensin filos.

Teunoloxía radiofónica[editar | editar la fonte]

Pa qu'heba un soníu, tien d'haber vibraciones producíes por un cuerpu, que se propaguen per tolos medios materiales en forma d'ondes sonores. Estes ondes llanzaes al aire aporten fasta los nuesos oyíos, faen vibrar los tímpanos y estes vibraciones interprétales darréu'l nuesu celebru, lo que val pa percibir los soníos. Pero les ondes de soníu son de frecuencia audio y han de se tresformar n'ondes portadores pa poder ser emitíes pola radio. ye necesario modificar la frecuencia (ritmu d'oscilación) o l'amplitú (alzada) de la onda sonora al traviés d'un procesu denomáu modulación. Estes ondes portadores son ondes elleutromagnétiques que se propaguen pel espaciu. Polo xeneral identifíquense al traviés de la so frecuencia:

  • MF (Frecuencia Media) d'ente 300-3000 kHz con una llonxitú d'onda de 1000-100 m.
  • UHF (Frecuencia Ultraellevada) d'ente 300-3000 MHz con una lonxitú d'onda d'1 m - 10 cm.

Los componentes básicos d'una radio son el tresmisor y el receutor.

El tresmisor xenera oscilaciones elléutriques con una frecuencia de radio denomada portadora. Pue ampliase l'amplitú o la propia frecuencia pa variar la onda portadora. Una señal modulada n'amplitú compónse de la frecuencia portadora y dos bandes llaterales productu de la modulación. La Frecuencia Modulada (FM) produz más de dos bandes llaterales por cada frecuencia de modulación. Por mor d'ello son posibles les variaciones complexes que s'emiten en forma de voz o cualaquier otru soníu na radiodifusión.

Los componentes principales d'un receutor de radio son:

  • Una antena pa recibir les ondes elleutromagnétiques y convertiles n'oscilaciones elleutróniques.
  • Amplificadores p'aumentar la intensidá de les denomaes oscilaciones.
  • Equipos pa la desmodulación.
  • Un altavoz pa convertir los impulsos n'ondes perceptibles pol oyíu humanu.
Radio
Wikimedia Commons tien archivos rellacionaos con: