Quercus suber

De Uiquipedia
Saltar a: navegación, buscar
Sufresna
Quercus suber - Köhler–s Medizinal-Pflanzen-254.jpg
Quercus suber
Clasificación científica
Reinu Plantae
División Magnoliophyta
Clas Magnoliopsida
Orden Fagales
Familia Fagaceae
Xéneru Quercus
Especie
Quercus suber

Quercus suber (sufrera o sufresna) ye un árbole de tamañu mediu, de fueya perenne, llariegu d’Europa y el norte d’ África. Muy extendíu pola esplotación de la so corteya de la que se llogra la llexa.

Quercus suber / Portugal


Carauterístiques[editar | editar la fonte]

Les sos fueyes tienen ente 4 y 7 cm de llongura, puen ser llobulaes o serraes, de collor verde escuro nel fexe y verde xaro pel revés. Les sos abeyotes son de 2 a 3 cm de llongura.

Tiene una corteya gorda y grebia. Les sufreres viven ente 150 y 250 años. La llexa virxe ye la que s’algama na primer coyeta que se fai cuando l’árbole tien 30-50 años de tiempu. Tres d’ello la llexa puéde acollecháse cada 9 o 14 años, según la estación na que s’afaye la llexa, dacordies cola cuantía de les lluvies. El gordor óptimu de coyeta márcalo’l diámetru de los tapones (que ye’l productu pescanciáu de la llexa col mayor valir añadíu). Un tapón estándar tien 24 mm, polo que un gordor perbonu de llexa sedría d’unos 30 mm. La coyeta de la llexa nun manca a l’árbole ya que puede añiciar una nueva capa, faciendo’l recursu renovable dafechu. Los sufrereos algamen una superficie de 2,5 millones de hectáries ente España, Arxelia, Marruecos, Francia, Italia, Túnez y Portugal ónde dáse’l 50% de la produción mundial.


Tueru de sufrera


Vieyu exemplar d'alcornocu n'Algarbe (Portugal)

Ecoloxía[editar | editar la fonte]

La sufrera ye ún de los componentes de la viesca mediterráneo y precisa climes con iviernos más suaves y llentos que l’ Quercus ilex, que sustitúilu contramás avanza’l clima continental. Asina ye que’l desendolcu de la llexa paez ser frutu de la evolución de la especie pal percuru escontra’l fuéu, corriente n’esti clima de branos escariáos.

El so interés económicu permite la mantenencia d’estenses estayes de monte asina como’l so desendolcu sostenible. L’abeyota ye emplegada por una amplia gama d’animales p’alimentáse, dende non migratorios fasta ivernantes, como les grulles. Nel Parque Nacional de Doñana, la estaya de más altu valir ecolóxicu, conocía como Las Pajareras, ye una formación de xigantesques sufreres espardíes na llende’l monte cola xunquera. La sufrera y el so aprovecimientu sostenible tamién favorez el mantenimientu de sistemes adevesaos de gran valir ecolóxicu.


Enllaces esternos[editar | editar la fonte]

Quercus suber
Wikimedia Commons tien archivos rellacionaos con:


Ver tamién[editar | editar la fonte]