Provincia de Llión

De Uiquipedia
(Redirixío dende Provincia de Lleón)
Saltar a: navegación, buscar
Uiquipedia:Artículos destacaos
Provincia de Llión
Bandera de la provincia de Llión Escudu de la provincia de Llión
Allugamientu de la provincia de Llión nel mapa provincial d'España
Capital Llión (ciudá)
Comunidá autónoma Castiella y Lleón
Idiomes oficiales Castellán
Llionés (non oficial)
Gallegu (non oficial)
Superficie
 • total
 • % d'España
Llugar nº 7
15.570 km²
3.09%
Población
 • total (2007)
 • % de España
 • densidá
Llugar nº 32
515.387
1.12%
31.85 hab./km²
Xentiliciu llionés/a
Códigu postal 24xxx
ISO 3166-2 ES-LE
Representación parlamentaria
 • Congresu
 • Senáu
 
 
5 escaños
4 escaños
Diputación de Llión
Provincies d'España Flag of Spain.svg


Llión o Lleón (León, n'castellán y gallegu) ye una provincia española perteneciente a la comunidá autónoma de Castiella y Llión. Allúgase al noroeste de la península Ibérica y la so capital ye Llión. Llenda'l norte col Principáu d'Asturies y Cantabria, al oeste con Galicia ( concretamente coles provincies d'Ourense y Lugo), pel oeste; coles provincies de Zamora y Valladolid pel sur; y cola provincia de Palencia pel este. Creyada cola dixebra provincial de 1833, foi adscrita a la rexón del Reinu de Llión.

Tien una enantu de 15.581 km². Posee una población de 498.223 (INE 2006). Densidá: 31,82 h/km².

Llugar de pasu ente importantes rexones de la península Ibérica, pela provincia llionesa discuerren dos grandes rutes: de sur a norte la Vía de la Plata, y d'este a oeste'l Camín de Santiago.

Xeografía[editar | editar la fonte]

Allugamientu[editar | editar la fonte]

La provincia de Lleón allúgase nel Noroeste de la Península Ibérica, concretamente na Meseta Norte. Llenda col Principáu d'Asturies y Cantabria pel norte; con Galicia (provincies de Ourense y Lugo), pel oeste; coles provincies de Zamora y Valladolid pel sur; y cola provincia de Palencia pel este.

Hidroloxía[editar | editar la fonte]

La provincia de Llión pertenez a tres estremaes cuenques hidrográfiques. La primer y más importante ye la del Dueru, a la qu'aníñase un 73,5% del territoriu llionés, la segunda ye la del Miño, qu'engloba la comarca d'El Bierzu y la comarca tradicional de Ḷḷaciana con un 25% del territoriu. Por últimu la vertiente cantábrica, a la que s'asiña'l 1,5% solamente, na zona de los Picos.

El Ríu Bernesga, al so pasu pela Pola de Gordón
  • Cuenca'l Dueru: partiendo de la primacía del Esla, gran colleutor onde finen tolos cursos fluviales, pue facese una triple distinción. En primer llugar, recibe nl so cursu mediu, les augües del gran abanicu formado por Porma, Curueñu, Bernesga y Toríu. Na mesma oriella pero nel so cursu baxo, acaba recibiendo les augües del Órbigu que, formado tres la xunión del Ḷḷuna y Omañas, recibe los aportes de la Montaña de Vavia, Ḷḷuna y Omaña, asina como los de la vertiente ocidental de los Montes de Llión. Finalmente na otra oriella y tamién nel so cursu baxu, recibe l'aportación del Cea. Ñacíu daqué más al sur que tolos ejemplos anteriores, el Ríu Valderaduei, siguiendo un cursu Norte-Sur semeyante al del Cea, vierte les sos augües al Dueru a 3km de Zamora. Tanto l'Órbigu como'l Cea xunes al Esla na provincia de Zamora.
  • Cuenca'l Miño: nesta cuenca destaca, ensin dubia dala, el Sil. Al enantase per un territoriu menos ampliu que l'anterior y haber que salvar un mayor desnivel (ñaz a un altor de 2.000 m y sal de la provincia a 376 m) los ríos d'esta cuenca son muncho más autivos na so aición erosiva sobremanera nos cursos altos. Ente los sos afluentes destaquen el Cúa, Burbia, Valcarce y Selmu y, na so oriella oriental, el Boeza, Meruelu y Cabreira.
  • Cuenca Norte: pequeña pero con importantes valires paisaxísticos y ecolóxicos, destaquen el Sella, Dobra y Cares y les pequeñes ñores de la zona de Balouta y Suárbol (na comarca tradicional de los Ancares).

Banzaos[editar | editar la fonte]

El pueblu de Riañu construyíu depués de fincar somorguiáu dafechu pel banzáu de Riañu

Llión ye una provincia con grandes banzaos, munchos d'ellos construyíos na época franquista, somorguiando dellos pueblos. Los más importantes son:

El ríu Esla.

Clima[editar | editar la fonte]

La provincia de Llión ye un aria de transición ente la Iberia abeyosa y la ensucha. Sigún la carauterización del MAPA, en Llión puen estremase cinco zones climátiques.

  • Zona I: Bierzu y Meseta, clima mediterraniu templáu. Temperatura media ente 10º y 14º, con precipitaciones añales ente 400 mm y 900 mm. Períodu ensuchu de de 3 a 5 meses. Con matices más friyos y abeyosos na transición hacia los relieves montesinos.
  • Zona II: al sur de La Bañeza, na llende cola provincia de Zamora, mediterraniu templáu frescu. Temperatura media ente 10º y 12º, con precipitaciones añales ente 500 mm y 700 mm. Períodu ensuchu de 3 y 4 meses.
  • Zona III: la Cabreira, zona meridional de la Cordelera Cantábrica, Montes de Llión, Tierras de Llión asitiaes al noroeste de la meseta y norte de Safagún. Tamién mediterránniu templáu frescu. Temperatura media ente 8º y 10º, con precipitaciones añales ente 700 mm y 1500 mm. Períodu ensuchu de 2 a 3 meses. Con matizaciones friyes y abeyoses nes partes más altes de les zonas enantes citaes.
  • Zona IV: pequeña y estrencha estaya a lo llargu de la Montaña Oriental, mediterraniu templáu friyu. Temperatura media ente 8º y 10º, con precipitaciones añales ente 1.100 mm y 1.300 mm. Períodu ensuchu de 1 a 2 meses
  • Zona V: Cordelera Cantábrica y Montes Aquilanos, tamién mediterraniu templáu friyu. Temperatura media ente 4º y 8º, con precipitaciones añales de 1.100 mm y 1.900 mm. Períodu ensuchu siempres inferior a 2 meses. La temperatura disminúi y les precipitaciones aducen contra más asciende l'altor y la llatitú.

Dixebra alministrativa[editar | editar la fonte]

La provincia de Llión dixébrase en conceyos/municipios, como establez l'artículu 137 de la Costitución Española, con autonomía de xestión y poderes executivu y llexislativu propios, esistiendo organizaciones supramunicipales y mancomunidaes de estremada índole que reflexen en determinaos casos la organización hestórica del territoriu. Arriendes, El Bierzu costituyó en comarca por Llei 1/1991 de 14 de marzu poles sos pecuñariedaes carauterístiques xeográfiques, sociales, hestóriques y económiques dotándose de istituciones ermunes y un relativamente enantáu espeutru competencial.

Comarques agraries, Ministeriu d'Agricultura, Pesca y Alimentación (1996).

Les comarques agraries encartichaes pol Ministeriu d'Agricultura, Pesca y Alimentación en 1996 (l'anterior comarcalización agraria data de 1978) son les siguientes:

Comarca
Astorga
La Bañeza
El Bierzu
La Cabreira
Esla-Campos
La Montaña de Ḷḷuna
La Montaña de Riañu
Páramu
Sahagún
Tierras de Llión

Aries funcionales[editar | editar la fonte]

Nes Direutrices d'Ordenación del Territorio de Castiella y Llión nel añu 2000, la provincia finca dixebrada n'ocho aries funcionales coles sos respeutives cabeceres d'aria:

Direutrices d'Ordenación del Territoriu, Xunta de Castiella y Llión.
Aria funcional Cabecera
Viḷḷablinu Viḷḷablinu
Boñar-Cistierna Cistierna
El Bierzu Ponferrada
Astorga Astorga
Llión Llión
Safagún Safagún
La Bañeza La Bañeza
Coyanza Coyanza

Partíos xudiciales[editar | editar la fonte]

Los partíos xudiciales nos que dixébrase la provincia tomen el nome de les sos respeutives capitales. A efeutos elleutorales, los conceyos pertenecientes al Partíu Xudicial de Vil.lablino intégrense nel Partíu Xudicial de Llión sacantes Viḷḷablinu y Palacios del Sil, que lo fain nel de Ponferrada.

Direutrices d'Ordenación del Territoriu , Xunta de Castiella y Llión.
Númberu Partíu Xudicial
1 Sahagún
2 Llión
3 La Bañeza
4 Ponferrada
5 Astorga
6 Cistierna
7 Viḷḷablinu

El partíu xudicial d'Astorga tien Cámara de Comerciu ya Industria propia costituyíes dambes en 1910 correspondiendo'l restu de la provincia a la Cámara de Comerciu de Llión fundada en 1907.

Comarques tradicionales[editar | editar la fonte]

Conceyos por fasteres:

Demografía[editar | editar la fonte]

La provincia de Llión posee una población de 498.223 habitantes (INE 2006). La densidá, de 31,82 hb/km2 ye mayor que nel conxuntu de la Meseta Norte, onde la densidá rolda los 20 hab./km², siendo la segunda provincia en densidá de la Comunidá de Castiella y Llión.

En Llión ye a albidrase dos grandes aries de concentración de la población: l'Aria metropolitana de Llión y l'Alfoz de Ponferrada, les cuales xuntes concentren a más de la metá de la población de la provincia. Son amás noyos industriales que concentren bona parte de la industria provincial.

Añu 1996 1998 1999 2000 2001 2002 2003 2004 2005 2006
Población 517.191 506.365 506.511 502.155 499.517 496.665 495.998 492.720 495.902 498.223

Movimientu natural de la población[editar | editar la fonte]

Molinaseca, na comarca d'El Bierzu. Un pueblu que siguió la dramática tónica de la despoblación.

Natalidá[editar | editar la fonte]

Nel 2005 rexistráronse un total de 3.313 ñacimientos na provincia de Llión, lo cual supón una tasa de ñatalidá del 6,64 puntos, una tasa mui baxa que nun garantiza el relevu xeneracional.

Mortalidá[editar | editar la fonte]

Nel 2005 rexistráronse un total de 5.731 fenecimientos na provincia de Llión, lo cual supón una tasa de mortalidá del 10,49 puntos, una tasa más ellevada que la del conxuntu nacional, y que xunida a la baxa ñatalidá fai que la medría vexetativa seya de -3,85 puntos.

Migraciones[editar | editar la fonte]

La provincia de Llión foi una provincia de emigrantes qu'anguañu ta recibiendo inmigrantes, los cuales percanciaren aducir la población llionesa.

Emigración[editar | editar la fonte]

La provincia de Llión ye una de les provincies onde una gran parte de la población ta fuera d'ésta. Sigún el INE na provincia de Llión hai 17.572 emigrantes fuera de la provincia y dientro d'España y 181 llioneses fuera d'España.

Inmigración[editar | editar la fonte]

La provincia de Llión nos caberos años ta tornando nuna receutora d'inmigrantes, tanto ye asina que nel añu caberu los inmigrantes algamaren aducir la población de la provincia dempués de décades de xabaz decrecimientu. Los inmigrantes d'otres provincies españoles en Llión cifren en 15.567 presones, mientres que los foriatos emplaciaos en Llión son 3.992.

Economía[editar | editar la fonte]

La provincia de León sigue la tónica del restu d'España no que refier a la economía, ya que la mayor parte d'emplegos qu'ufre ésta tán arreyaos cola estaya servicios. Na provincia hai 17.400 paraos, los cuales representen un 8,32% del total de presones n'edá de trabayar de la provincia. El paru provincial nun dexara de baxar nos años caberos.

Agricultura[editar | editar la fonte]

Típica paisada agraria llionés, en Villareyu d'Órbigu

Acupa a un 7,8% de los emplegaos de la provincia. Los cultivos prencipales son los cerealísticos, los lleguminosos, los túberculos de consumu humán, los cultivos industriales y los forraxeros.

El regadío acupa una soperficie de 163.379 Ha, lo que correspuende a un 31,27% de la soperficie total llabrada, les tierres de regadíu tán allugaes sobremanera nes arredolaes de les Veges del Órbigu y del Esla. ye la provincia con mayor cantidá de regadíos de la Comunidá de Castiella y Llión

Les viñales, asítiense sobremanera na comarca d'El Bierzu y nes proximidaes de los rieos, siendo'l más importante riéu en cuantes a viñales, el Esla. La provincia cunta con una denomación d'orixe, que engloba a les viñales del aria d'El Bierzu; arriendes d'ello, cunta con un sellu de calidá "Tierres de Llión", distintivu que premia'l vinu producíu na vega del Esla y arredolaes.

Nos que se refier a la ganadería, la cabaña de mayor importancia ye la ovina, siguida pola bovina, la porcina, la caprina y la caballar. la ganadería concéntrase enforma nes paciones de monte, magüer, hai naves nes tierres baxes onde los animales tán acorriaos.

Industria[editar | editar la fonte]

Acupa a un 14,5% de los emplegaos de la provincia. Llión nun ye una provincia industrializada, y la industria que tien ta concentrada en Llión, Ponferrada y en menor midida, n'Astorga, La Robla y Bembibre. Les prencipales xamasques industriales de Llión son l'alimentaría, la testil, la de confeución, la maderera, la d'artes gráfiques, la química, la del vidriu y cementu y la metálica.

Anguañu, por una parte tán enantándose polígonos industriales yá esistentes, como los d'Onzoniella o Astorga y por otro tán construyendo nuevos polígonos en llugares con bones comunicaciones, como El Bayu y Villadangos, apuestes dirixíes dende la Xunta de Castiella y Lilón. Llueñe yá de l'antigua política de favorecer un polígonu industrial en cada pueblu, qu'ocasionó qu'heba polígonos industriales en Llión a 0% d'acupación industrial.

Nos meses caberos la estaya industrial llionesa viera cómo desembarca una de les mayores iniciatives de futuru pa la provincia, la produción de biodiesel, fábriques de lws cuales proyeutárase yá dos, la de La Robla y la de Xabares de los Outeiros, siendo esta última un gran noyu de produción, el primer de la Comunidá.

Merez amás ser destacáu el Parque Teunolóxicu de Llión, que ye un gran apueste pa empobinar la economía llionesa haza les nueves teunoloxíes.

Construcción[editar | editar la fonte]

Acupa a un 11,7% de los emplegaos de la provincia. Esta estaya céntrase nos noyos de mayor población como Llión y Ponferrada, con una autividá importante tamién n'Astorga, La Bañeza y Villaquilambre.

Minería[editar | editar la fonte]

Artículu principal: Minería en Llión
Ponferrada, allugada nuna comarca que foi enforma minera, El Bierzu

La provincia de Llión foi un noyu destacáu no que refier a la minería, sobremanera del carbón, onde alcuéntrase'l 35% de los recursos nacionales. El carbón estrayíu de Llión yera antracita o hulla prencipalmente.

Les prencipales cuenques mineres yeren El Bierzu, Ḷḷaciana y la zona norte de Llión.

La produción carbonífera llionesa etevo arreyada siempres a l'autividá industrial d'Euskadi, la cuala al precisar una mayor produción de carbón, buscó ésti nes cuenques d'Asturies y Llión. Prebes d'ello son la costruición dún ferrocarril que facía la ruta La Robla-Balmaseda o la istalación de la Hullera Vasco-Llionesa y Hulleres de Sabeiru y anexes.

La demanda coyuntural de carbón llionés siguió siendo mui importante, cola I Guerra Mundial (creyación de la Minero-Siderúrxica de Ponferrada, MSP, en 1918), la Guerra Civil y el períodu d'autarquía. Sicasí, depués, col aniciu de la lletrificación del ferrocarril y l'aducimientu del usu del petroliu na década de los sesenta, el carbón llionés pasa a suministrar a les centrales térmiques llétriques prencipalmente, onde tien que competir col carbón foriato.

Güei, el fechu de qu'anguañu'l carbón seya un combustible mui perxudicial pol so impautu ambiental, xuníu a que resulta más baratu importalo que producilo, supunxiera una crisis de gran envergadura na provincia de Llión. Ello fora patente na crisis de la MSP y nes estremaes reconversiones industriales que toviera que llevase a cabu nes Cuenques Mineres.

Enerxía[editar | editar la fonte]

La importancia enerxética de la provincia de Llión deriva de le sos centrales térmiques y los sos grandes banzaos. Ye una productora neta d'enerxía, puestu que consume menos de lo que produz. Ésto supón un desaniciu de los sos recursos naturales y ambientales en pro de les demandes de provincies como Valladolid a cambéu dún beneficiu probetayu nun proporcionáu. La estaya emplega a 526 presones y produz un total de 16.235 Gwh.

Un fechu destacable ye que na provincia de Llión foi fundada Endesa, qu'anició'l so camín na central berciana de Compostiella I, col envís d'aprofitar les reserves d'antracita de la zona.

Fontes d'enerxía tradicionales[editar | editar la fonte]

Hidrollétrica[editar | editar la fonte]

La provincia de Llión ye un puntu importante de produción d'enerxía hidrollétrica.

Central Riéu Cuenca Potencia (Kw) 2005 Produción (Gwh) 2005
Rioscuru Sil y Magdalena Norte 15.000 23
Las Ondinas Sil y Valsecu Norte 80.800 85
Peñadrada Sil Norte 37.600 65
La Remolina Esla, Yusu y Orza Dueru 84.452 79
Cornatel Sil Norte 132.000 79
San Isidoru L.luna(Canal) Dueru 48.220 67
Bárcena Sil y Boeza Norte 61.210 59
Santa Marina Sil Norte 32.900 63
El Porma Porma Dueru 18.755 35
Total 510.937 555
Térmica[editar | editar la fonte]

Pola so tradición minera y los sos enantaos recursos carboníferos, la provincia de Llión ye un puntu mui importante na xeneración de lletricidá proveniente de centrales térmiques. De les cuatro centrales térmiques de Castiella y Llión, tres tán na provincia de Llión.

Central Potencia istalada (Mw) Produción (Gwh.) Consumu de carbón (t.)
Anllares 350 2.471 1.193.709
Compostiella II 1.309 7.795 1.801.304
La Robla 655 4.317 3.028.740
Total 2.314 14.583 6.023.753

Fontes d'enerxía alternatives[editar | editar la fonte]

Les enerxíes alternatives na provincia de Llión tán cobrando muncha fuercia, incentivaes por una fuerte inversión y les subvenciones realizaes. Nesti campu pueden aculombrase les estayes eólica y de biomasa y biodiésel.

Eólica[editar | editar la fonte]

Les autuaciones más importantes nesta estaya foren empobinaes a la produción de maquinaria pa molinos de vientu. Centros como l'allugáu prieto de Ponferrada o la empresa de aeroxeneradores Vestas nel polígonu industrial de Villadangos dan testimoñu del papel clave pa la costruición de molinos de vientu.

La produción llétrica céntrase sobremanera n'El Bierzu.

Biomasa[editar | editar la fonte]

A esta estaya mira con esperancia'l campu llionés. La produción de biodiésel a la que dirán destinaes munches fábriques planiaes, sedrá un gran revulsivu pal campu; ya que fixará producción, y polo tantu; emplegu. Noyos destacaos de produción de biodiesel sedrán Xabares de los Outeiros y La Robla.

Servicios[editar | editar la fonte]

Acupa a un 66,0% de los emplegaos de la provincia. La provincia de Llión ye un llugar onde la estaya servicios xuega un papel clave nel so desenrrolu.

Comerciu[editar | editar la fonte]

Comercio esterior[editar | editar la fonte]

Llión ye una provincia onde las esportaciones caltuvieren una xobida sacantes dalgún altibaxu sele, demientres la cabera década. Esto fexo, que xunto a una xobida menor de les importaciones, el saldu comercial de la provincia seya positivu.

Esportaciones[editar | editar la fonte]

Las esportaciones de Llión demientres l'exercicio del añu 2005, sumaron 527 millones d'euros. Ente les que destacaron les referíes a la estaya de los metales comunes y sus manufautures, que sumaron 223 millones d'euros. Otres estayes importantes son l'agropecuariu, con 103 millones del total y el de los produtos químicos, que si bien nun tien la importancia d'anantia, entá aporta 48 millones del total.

Por produtos los más importantes foron les barres y perfiles d'aceru inoxidable, con 105 millones, amás del alambrón d'aceru inoxidable con 85 millones y la cayuela, con 55 millones.

Los prencipales clientes de la provincia foron Italia, con 111 millones, Francia, con 78 millones y Alemaña con 75 millones, además de Portugal, con 71 millones.

Importaciones[editar | editar la fonte]
Fachada de la Catedral d'Astorga

Les importaciones que recibe Llión demientres l'exerciciu sumaron 405 millones d'euros. Ente les que destacaron les referíes a la estaya de la maquinaria nun llétrica, que sumó 112 millones d'euros. Otres estayes importantes son l'agropecuariu, en nidio retrocesu, con 99 millones d'euros, el químicu con 44 millones y el material de tresporte, con 41 millones d'euros.

Por produtos, los más importantes foron la maquinaria pa trabayu de nivelación y cavadura con 51 millones d'euros, siguío de laes llegumes ensuches desvainaes, con 32 millones y los vehículos pa tresporte de mercancíes, con 24 millones.

Los prencipales importadores a la provincia de Llión foron Alemaña con 86 millones, Francia con 77 millones y Países Baxos con 31 millones. China entá se caltién con valires modestos, con 16 millones, pesie tener dobláu les sos importaciones.

Turismu[editar | editar la fonte]

La contribución del turismu a la economía llionesa ye significativa. Los sos prencipales valires son la so bayurosa hestoria y el so escomanáu padrimoniu, que ficiera de la provincia una de les principales no que refier a turismu d'interior.

La ufierta turística pasa dende'l bayurosu padrimoniu de ciodaes como Llión, Ponferrada y Astorga a la de los establecimientos de turismu rural, completada con una ufierta n'iviernu de deportes de ñeve, con estaciones como les de San Isidru y Ḷḷeitariegos. Destaquen tamién Les Médules n'El Bierzu. Un elementu clave nel turismu de la provincia ye ensin dubia la Selmana Santa, de les cuales, la más importante ye la de la propia capital, Llión, acompangada d'otres de gran tradición en poblaciones de menor importancia.

Denmientres l'añu 2005, Llión contabilizó un total de 671.618 viaxeros, con 1.090.099 pernoctaciones. De los viaxeros qu'entraron na provincia, 565.849 yeren españoles y 105.769 yeren foriatos.

Turismu Rural[editar | editar la fonte]

El turismu rural cobra fuercia na provincia con 339 establecimientos qu'ufren 3.068 placies. Estos datos allúguenla en segundo llugar na Comunidá per detrás d'Ávila.

Tresportes[editar | editar la fonte]

L'allugamientu xeográfico de la provincia, tórnala nún pasu obligatoriu dende la Meseta haza Asturies y Galicia. Esta obligatoriedá de pasu dotárala duna bona cantidá d'infracadarmes, tantu de carretera como de ferrocarril. Sicasí entá hai grandes deficiencies na comunicación interior de la provincia.

Tresporte por carretera[editar | editar la fonte]

La provincia de Llión dispón duna riestra de víes d'alta capacidá, que son resultáu de la estratéxica posición de Llión nel mapa peninsular. Asina esisten autovíes como la Llión-Burgos, o la Llión-Xixón. La única vía d'alta capacidá pa la propia provincia ye la AP-71, una autopista de portalgu que fai el trayeutu Llión-Astorga.

Ferrocarril[editar | editar la fonte]

El primer proyeutu de llinia ferria en Llión surde en 1840, a iniciativa del británicu R. Keiley cola intención de xunir Llión y Avilés. Pesie la concesión provisional del Gobiernu, el proyeutu nunca llevóse a cabu.

En 1856, col entamu de la Llinia Madrid-Irún y l'estudiu de les sos estremaes xamascales, una d'eses xamascales, concretamente'l que lleva a Galicia; debería pasar por Llión y Ponferrada. En 1858 entamó la subasta y en 1861, otorgose la concesión. El trayeutu de Palencia a Llión entrañó poques dificultaes, siendo completáu en Payares de 1863. En 1866 llegó a Astorga y entamó'l tramu más abegosu con grandes retrasos nes obres y problemes financieros. El 1 de setiembre de 1883 inaugurose la llinia tres salvar l'abegosu trazáu de Brañuelas y el Túnel del Llazu.

En 1866 entamó'l xamascal haza Asturies. Ente 1868 fasta 1875 prodúxose una paralización de les obres, ya que namái costruyóse un pequeñu tramu ente La Pola de Gordón y Busdongu d'Arbas. El 16 d'agostu de 1884 inauguróse la llinia.

De magar 1866, aniciose una polémica de gran retrañíu ente Llión y Astorga a propósitu de la costruición duna llinia hacia Benavente, siendo finalmente Astorga quién tornárase cabezalera d'esa prollongación, que sedría la hipotética Xixón-Cadíz, inaugurándose'l 1 de xunetu de 1898 el trazáu de Plasencia a Astorga (Ruta de la Plata).

La rede d'anguañu, depués d'estremaes modificaciones, distribúyese a lo llargo de 508 km, siendo 322 de vía normal y 186 de vía estrencha. La lletrificación ta presente en toles llinies y la doble vía nos trazaos más cenciellos de la Meseta.

L'alta velocidá llegará a la provincia en 2008, con estaciones pal AVE en Ponferrada y Llión.

Tresporte Aeriu[editar | editar la fonte]

Artículu principal: Aeropuertu de Llión

La provincia de Llión dispón dun únicu aeródromu: l'Aeropuertu de Llión, que comparte istalaciones cola Base Aeria de Virze del Camín, y qu'entró en serviciu nel añu 1999 (IATA: LEN - ICAO: LELN). Allúgase nos términos conceyiles de Valverde de la Virxe y de San Andrés del Rabanéu.

L'Aeropuertu fora oxetu dun enantu de pista a 3000 m. finada n'avientu de 2007, asina como ta en proyeutu una nueva terminal, plataforma y aparcamientu.

Sigún los datos del 2007, l'aeropuertu rexistró 161.705 pasaxeros, con 7.328 operaciones y 341 kg de mercancía.

Anguañu operen nel aeropuertu de Llión les aerollinies Lagun Air, con sé na ciodá de Llión y proyeución estatal, Air Nostrum, filial de Iberia y Air Europa con esnalos estivales a Tenerife Norte.

Añu 1999 2000 2001 2002 2003 2004 2005 2006 2007
Pasaxeros 8.612 21.186 24.816 23.972 31.564 65.140 80.874 126.519 161.705
Operaciones 1.336 2.605 2.793 2.951 3.148 5.241 5.279 6.296 7.328
Mercancía 0 kg 113 kg 110 kg 0 kg 9 kg 33 kg 352 kg 554 kg 341 kg

Los sos destinos regulares son Barcelona, Madrid, Palma de Mallorca, Valencia tol añu, asina como Menorca, Ibiza, Jeréz y Tenerife Norte nel estíu.

Idiomes[editar | editar la fonte]

Amás del castellán, en delles zones de Llión fálense otres llingües:

  • Llionés. Sigún l'artículu 5 del estatutu d'autonomía de Castiella y Llión ("La llingua castiellana y el restidel padimoniu llingüísticu de la Comunidá."), tien de gociar de proteución específica, al empar que'l so abeyu, emplegu y promoción tienen de ser regulaos. Entamó a impartise en dellos colexos dende´l cursu 2007-2008.

Menumentos y llugares d'interés na provincia[editar | editar la fonte]

Fachada Prencipal de la Catedral de Llión.

Llión[editar | editar la fonte]

Astorga[editar | editar la fonte]

Vilafranca[editar | editar la fonte]

Reloxu de los Maragatos n'Astorga

Ponferrada[editar | editar la fonte]

Safagún[editar | editar la fonte]

Illesia San Llorenzu, en Sahagún.

Otres llocalidaes[editar | editar la fonte]

Museos[editar | editar la fonte]

Museos provinciales[editar | editar la fonte]

Llión[editar | editar la fonte]

El MUSAC, na capital Llionesa

Ponferrada[editar | editar la fonte]

Astorga[editar | editar la fonte]

Castiellu Templariu de Ponferrada.

Safagún[editar | editar la fonte]

Valdehuesa (Boñar)[editar | editar la fonte]

Rutes turístiques[editar | editar la fonte]

Tradiciones[editar | editar la fonte]

Gastronomía[editar | editar la fonte]

Cecina de Llión

Embutíos[editar | editar la fonte]

  • Cecina de Llión: ye un embutíu de gran tradición en Llión, cuyu mayor noyu de produción ye Astorga, ya qu'ellí concéntrense la mayoría d'industries que producen esti embutíu. El secretu ta nel procesu de afumáu y el clima continental estremu, con abondoses selases y escasa huomidancia. Magar que tradicionalmente la cecina yera o de vaca o de chivu, güei ellabórense cecines d'otres carnes como coneyu o inclusive ciervu. Dende 1994 gocia del beneficiu duna Denomación d'Orixe y dun Conseyu Regulador.
  • Botiellu: tamién denomáu yoscu n'Omaña, Babia y Ḷḷuna o androlla en Curueñu y Porma. Documentáu dende'l sieglu XVI, el botiellu bercianu, enantes alimentu de les clases humildes, ye güei un platu estrella de la gastronomía Llionesa. Resulta ideal n'iviernu pola gran cantidña de caloríes qu'aporta, esfruta de los beneficios duna Denomación d'Orixe.
Uves

Vinos[editar | editar la fonte]

  • Denomación d'Orixe Bierzu: costituyida dende avientu de 1989, abargana 22 conceyos, nel Bierzu, un territoriu que gocia dun microclima diferente del restu de la provincia y un altor idoniu pa algamar viñales de gran calidá. La prencipal variedá d'uva que cultívase ye la mencía, anque tamién tán presentes la garnacha pa los tintos. Los blancos ellbórense con doña blanca, godiellu, malvasía y palomín.
  • Denomación d'Orixe Tierres de Llión: abargana dos zones de produción de vinu, que son la marxe drecha del Esla, con Valdevimbre como referencia y na esquierda Los Outeiros, con Payares de los Outeiros como noyu prencipal, y la otra la Riba del Cea. Comprende 69 conceyos, ente los cuales pola so produción destaquen Valdevimbre, Payares de los Outeiros, Valdeiras y Gordaliza del Pinu. La variedá d'uva predomenante ye la prietu picudu, que da llugar a vinos d'aguya, vinos del añu, llixeros, frescos y predomenantemente rosaos.

Dulces[editar | editar la fonte]

Astorga, puntu clave de la gastronomía Llionesa
  • Mantecaes d'Astorga: La so antigüedá documental data d'entamos del sieglu XIX y el so orixe ye inciertu anque parez que la receta surdió duna monxa qu'abandonó'l conventu y lo popularizó. De magar 1850 entamen a comercializase y güei, son un clásicu de la repostería llionesa. La bas primaria de les mantecaes ye la farina y el segundo ingrediente ye'l güevu, l'azucre y la canela completen la composición. las caxilleres fain a mán el tradicional abangu del envase.
  • Llazos de San Guillermu: dulces de Cistierna, fabricaos y espedíos dende 1945 pola Confitería Montesina de la llocalidá, fundada en 1908. En 1960 patentóse la fórmula y se comercializa'l produtu. El so inventor, qu'esperimentó colos foyaldres, decidiose a da-y forma de llazu y a pone-yos el nome del patrón de la llocalidá.
  • Nicanores de Boñar: dulce foyaldráu, inventáu pol pasteleru de Boñar Nicanor Rodríguez González, en 1880. Ta compuestu por farina, azucre, mantega del monte y, sigún la tradición, les propiedaes de les augües medicinales de Boñar.

Platos Típicos[editar | editar la fonte]

Deporte[editar | editar la fonte]

Ver tamién[editar | editar la fonte]

Referencies[editar | editar la fonte]

  1. Reflexáu na obra del Padre Martín Sarmiento. Como exemplu lliterariu, el llibru d'Antonio Fernández y Morales "Ensayos poéticos en dialeutu bercianu", 1861

Bibliografía[editar | editar la fonte]

  • Jesús Fuentes Santamarta, Carmelo Lucas del Ser (1997). Historia de León, Volumen III; Edades Moderna y Contemporánea. ISBN 84-920557-9-0.
  • Ana Neira Campos, Tomás Mañanes, Santiago García (1997). Historia de León, Volumen I; Prehistoria-Edad Antigua-Edad Media I. ISBN 84-920557-7-4.
  • Junta de Castilla y León (2006). Anuario Estadístico de la Junta de Castilla y León 2006. M-52835-2006.
  • Secundino Serrano (Director del Equipo) (1991). Enciclopedia de León Volumen I. ISBN 84-920557-4-X.
  • Secundino Serrano (Director del Equipo) (1991). Enciclopedia de León Volumen II. ISBN 84-920557-5-8.
  • Francisco J. Martínez Carrión (Director del Equipo) (1990). León, Vida y Naturaleza. ISBN 84-86013-51-8.
  • Manuel Carriedo Tejedo, Carlos Estepa Díez, (1997). Historia de León, Volumen II; El Reino de León en la Edad Media. ISBN 84-920557-8-2.

Enllaces esternos[editar | editar la fonte]

La Provincia de León
Wikimedia Commons tien archivos rellacionaos con:



 
Provincies d'España
Alacant | Álava | Albacete | Almería | Asturies | Ávila | Badajoz | Barcelona | Bizkaia | Burgos | Cáceres | Cádiz | Cantabria | Castelló | Ciudad Real | Córdoba | A Coruña | Cuenca | Gipuzkoa | Girona | Granada | Guadalajara | Huelva | Islles Baleares | Jaén | Lleida | Llión | Lugo | Madrid | Málaga | Murcia | Navarra | Ourense | Palencia | Las Palmas | Pontevedra | La Rioja | Salamanca | Santa Cruz de Tenerife | Segovia | Sevilla | Soria | Tarragona | Teruel | Toledo | Uesca | València | Valladolid | Zamora | Zaragoza