Provincia de Salamanca

Coordenaes: 40°50′N 6°00′W / 40.83°N 6°O / 40.83; -6
De Wikipedia
Provincia de Salamanca
Alministración
País España
Autonomía Castiella y Llión
ISO 3166-2 ES-SA
Tipu d'entidá provincia d'España
Capital Salamanca
Presidente de la Diputación Provincial de Salamanca (es) Traducir Francisco Javier Iglesias García
Nome llocal provincia de Salamanca (es)
Xeografía
Coordenaes 40°50′N 6°00′W / 40.83°N 6°O / 40.83; -6
Superficie 12349 km²
Llenda con provincia de Zamora, provincia de Valladolid, provincia d'Ávila, provincia de Cáceres, Distritu de Bergancia y Distritu de Guarda
Puntu más altu Calvitero (es) Traducir
Puntu más baxu Ríu Duero
Demografía
Población 333 603 hab. (2017)
Densidá 27,01 hab/km²
Xentiliciu salamanquín (masculín singular)[1]
salamanquina (femenín singular)[1]
salamanquino (xéneru neutru)[1]
salamanquinos (masculín plural)[1]
salamanquines (femenín plural)[1]
Más información
Estaya horaria UTC+01:00
dipsanet.es
Cambiar los datos en Wikidata
D'arriba a abaxo y d'esquierda a derecha: Castiellu de Puente del Congosto, Miranda del Castañar, dehesa del Campo Charro, torre del homenaxe del Castiellu d'Enrique II de Ciudad Rodrigo, les arribes del Dueru n'Aldeadávila de la Rivera, les catedrales de Salamanca, Montemayor del Río, la ilesia de Candelario y el Pozo de los Humos.

Salamanca ye una provincia llionesa, nel suroeste de la Comunidá Autónoma de Castiella y Llión.

Ye una de les nueve provincies qu'encadarmen Castiella y Llión. Llenda al norte cola provincia de Zamora, al noreste con Valladolid, al este cola provincia d'Ávila, al sur cola de Cáceres y al oeste con Portugal. Na dixebra provincial de 1833, adscribióse a la rexón del Reinu de Llión. La so superficie xeográfica ye de 12.336 km², lo que conviértela na tercer provincia de Castiella y Llión dempués de Llión y Burgos. L'altor mediu de la provincia ye de 830 m sobre'l nivel del mar.

El clima ye de tipu continental, con iviernos fríos y suchos y branos caldios. La temperatura medio ye de 3,7°C en xineru (pudiendo baxar, en díes de fuertes xelaes, a dellos graos baxo cero). Nel branu la temperatura medio ye de 24,2°C, magar que pue xubir hasta los 35° o 40°C.

Anguaño (INE 2005), la provincia cunta con 352.414 habitantes, de los que 160.331 (un 45%) vive na capital, Salamanca, allugada a orielles del ríu Tormes. Hai 362 conceyos na provincia, de los que más de la metá tienen una población inferior a los trescientos habitantes (ye la segunda provincia española con respeutu al númberu de conceyos, per darrera de Burgos). Los conceyos más poblaos de la provincia son, a parte de la capital, Béjar, Ciudad Rodrigo, Santa Marta de Tormes, Peñaranda de Bracamonte, Guijuelo, Alba de Tormes, Vitigudino y Villoria.

Historia[editar | editar la fonte]

Pa la so conquista los romanos tuvieron d'afrentase a los Vettones, d'ún xeitu progresivu, les bregues entamaríen sobro'l 193 e.C. pero l'anexón total afecharíase hacia'l 125 e.C. demientres les Guerres Lusitanes. Demientres la dominación romana la Provincia taba adscrita a la Provincia Romana de Lusitania y una pequeña parte a la Tarraconense. A lo llargo la dómina en que formó parte del Imperiu Romanu la población adquirió'l llatín como llingua madre, la relixón cristiana impúsose so les demás, asumiéronse los xeitos d'agricultura de los romanos y les sos lleis.

L'arribada los visigodos significó cambeos nes clases dominantes, sicasí, malapenes sintiéronse ente'l pueblu llanu. D'esta dómina nun fincaren grandes construcciones, mas aportaren restos como los cagüercos de piedra que pueden vese sobremanera na zona oeste de la provincia, na zona de Ciudad Rodrigo y na de Vitigudino, destacando "La Colmenera" nel Sufreralieḷḷu. L'arribada de los visigodos supunxo, sicasí, una aceleración nel procesu de ruralización qu'aniciárase demientres l'Imperiu romanu. Esti declive urbanu continuó cola dominación musulmana, al nun tener el territoriu d'interés estratéxicu, militar o económicu.

Nel sieglu XI, repoblóse'l territoriu la provincia que taba despobláu. La xente nuevo qu'entamó vivir nes fasteres de l'actual provincia traxo consigo la llingua llionesa. En 1218, el rei llionés Alfonsu IX funda l'Universidá de Salamanca. A la so muerte, en 1230, el Reinu Llionés pasa formar parte del de Castiella y con él Salamanca.

En 1833 la dixebra alministrativa de Javier Burgos significó'l desaniciu de los conceyos dando orixe a la organización d'anguaño de partíos xudiciales y conceyos. La Provincia de Salamanca, vió amenorgada la so estensión de 14.532 km² a 12.336 km² y fincó dixebrada n'ocho partíos: Salamanca, Béjar, Ciudad Rodrigo, Peñaranda de Bracamonte, Vitigudino, Alba de Tormes, Ledesma y Sequeiros.

En 1936, el bandu Nacionalista triunfa na provincia.

En 1968 suprímense los Partíos Xudiciales d'Alba de Tormes, Ledesma y Sequeiros.

Comarques[editar | editar la fonte]

Enantes de la reorganización provincial de Javier de Burgos en 1833 diversos conceyos de la comarca del Altu Tormes pertenecieron a la provincia de Salamanca.

Mancomunidaes[editar | editar la fonte]

Los conceyos agrúpense en mancomunidaes pa xestionar servicios tales como l'augua o la puxarra. Un mesmu conceyu puede pertenecer, al empar, a estremaes mancomunidaes.

Éstes son les mancomunidaes rexistraes nel Ministeriu d'Alministraciones Públiques:

Mancomunidad Aguas de Santa Teresa Mancomunidad Aguas Águeda-Azaba Mancomunidá Altu Ágeda
Mancomunidá Altu Tormes Mancomunidá Arribes del Dueru Mancomunidad Azud de Villagonzalo de Tormes
Mancomunidad Burguillos Mancomunidad Cabeza de Horno Mancomunidad Calvarrasa de Arriba-Terradillos
Mancomunidá Campu Charru Mancomunidá Centru Dueru Mancomunidá L'Abadengo
Mancomunidad Cuatro Caminos Mancomunidad Embalse de Béjar Mancomunidá Entesierres
Mancomunidad de Guijuelo y su entorno comarcal Mancomunidá L'Armuña Mancomunidad Las Dehesas
Mancomunidá Comarca de Ledesma Mancomunidad de Linares de Riofrío y su entorno Mancomunidá Margañán
Mancomunidad Pantano de Santa Teresa Mancomunidá de Peñaranda Mancomunidá Puente La Unión
Mancomunidad Riberas del Águeda, Yeltes y Agadón Mancomunidad Ruta de la Plata Mancomunidad Rutas de Alba
Mancomunidá Sierra de Francia Mancomunidad Tierras del Tormes Mancomunidá de Vitigudino
Mancomunidá Yeltes Mancomunidá Zona de Cantalapiedra y Les Villes

Enllace esternu: Mancomunidaes de la provincia de Salamanca

Partíos Xudiciales[editar | editar la fonte]

La provincia de Salamanca alcuéntrase anguaño dixebrada en 5 Partíos Xudiciales magar qu'antiguamente foron más cuyos escudos componen l'escudu provincial. Estos partíos son:

L'escudu de la Diputación Provincial, consideráu como escudu de la provincia, compónse polos escudos d'estos 5 conceyos.

Partíos xudiciales y conceyos que los componen

Llingua y cultura[editar | editar la fonte]

La llingua falada mayoritariamente na provincia ye'l castellán, pero con una fondera y arraigonada influyencia del llionés[2][3] en Les Arribes,[4][5] El Rebollal,[6] y las Sierras de Béjar[7] y Francia.[8] En total, nun más de 1.900 persones falen llionés na provincia.[2] Ye de solliñar la presencia del gallegoportugués nel conceyu de La Alamedilla.

Musicalmente en Salamanca tócase la chifla llionesa en cuasi toles comarques, sacante nes más al este onde tócase la dulzaina.

Fiestes[editar | editar la fonte]

El patrón de la provincia ye San Mateo (21 de setiembre).

En la ciudá de Salamanca y arredolaes celébrase'l llunes d'auguas el llunes siguiente al llunes de Pascua.

Gastronomía[editar | editar la fonte]

De la so gastronomía hai de solliñar, ente otros, el pernal de Guijuelo, con Denomación d'Orixe Protexida (DOP) y el fornazu, una empanada típica. Menos conocíu fuera de la rexón son el corderín, gorrafu o tostón asáu, el farinatu (procedente de Ciudad Rodrigo), el bollu maimón y los chochos de xema. Son típiques de la capital les sopes d'ayu y la chanfaina, platu d'arroz cocináu con callos, pates de corderu, sangre cocío y güevu duru. De Béjar ye de ran sonadía el calderiellu beḥarán (guisu de carne con pataques).

Referencies[editar | editar la fonte]

  1. ↑ 1,0 1,1 1,2 1,3 1,4 «Diccionariu de la Llingua Asturiana» (asturianu) (15 avientu 2000). Consultáu'l 30 payares 2022.
  2. ↑ 2,0 2,1 Otras llinguas nela terra del castellanu
  3. ↑ El Leonés en Salamanca cien años después
  4. ↑ Gramática histórica de la lengua asturiana. Fonética, fonología e introducción a la "morfosintaxis histórica." Jose Luís García Arias. Oviedo, ALLA, dic/2003. 978-84-8168-341-7
  5. ↑ Llorente Maldonado de Guevara, Antonio. Seis jornadas de encuesta dialeutal en Las Arribes del Duero. Homenaje a Alonso Zamora Vicente, Vol. 2, 1989.
  6. ↑ Iglesias Ovejero, Ángel. El habla de El Rebollar. Diputación de Salamanca, 1982.
  7. ↑ EL HABLA DE BÉJAR: LÉXICO. Autores: Manuel Antonio Marcos Casquero. Editores: Universidad Pontificia de Salamanca. Año de publicación: 1979. País: España. Idioma: Español. ISBN 84-00-04554-8
  8. ↑ El habla de Santibáñez de la Sierra (Salamanca), José Luis Herrero Ingelmo. Anuario de estudios filológicos, ISSN 0210-8178, Vol. 19, 1996, páxs. 289-302

Ver tamién[editar | editar la fonte]

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Provincia_de_Salamanca&oldid=4147921»