Primeru de mayu
El Dia Internacional de los Trabayadores, el Primeru de Mayu ye la fiesta reivindicativa del movimientu obreru mundial.
Esta xornada de llucha polos derechos de los trabayadores establecióla'l congresu obreru socialista cellebráu en París en 1889. Decidióse que, n'homenax a los Mártires de Chicagu l'1 de mayu diba ser el día de protesta y reclamaciones obreres. Nesti momentu, la gran vindicación qu'había yera la xornada d'8 hores. La fuelga yera l'instrumentu que decidieren emplegar cada 1 de mayu pa forciar al patronáu y a los Estaos lliberales a aceutar la xornada d'8 hores.
La campaña tuvo munchu ésitu y, adulces, garró importancia y consolidóse como xornada de llucha de tol movimientu obreru mundial, más allá de les tendencies y facciones ideolóxiques. Cola conquista de meyores llaborales y sociales el día foi perdiendo carga vindicativa pa garrar un aire más festivu y de remembranza de los fechos de Chicagu en 1886. Anguaño, cellébrase en tolos países occidentales (Estaos Xuníos y Gran Bretaña son les esceiciones notables) ye un día festivu y ensin carga vindicativa dala; inda perdióse'l calter conmemrorativu pa convertise nuna fiesta nel calendariu.
[editar] Enllaces esternos
Wikimedia Commons acueye conteníu multimedia sobro Primeru de mayu.- Rosa Luxemburg: Oríxe del Primeru de Mayu
