Postulaos d'Euclides

Representación xeométrica de los postulaos d'Euclides.

El llibru de los Elementos d'Euclides, escritu haza l'añu 300 e.C., espón les conocencies xeométriques de la Grecia clásica deduciéndolos a magar de cinco postulaos, consideraos como los más evidentes y cenciellos:

1. Dende cualesquier puntu pue trazase una reuta a cualesquier otru puntu.
2. Toa reuta pue prollongase indefinidamente.
3. Con cualesquier centru y cualesquier distancia pue trazase un círculu.
4. Tolos ángulos reutos son parexos.
5. Si una reuta, cortando a otres dos, forma los ángulos internos a una mesma parte menores que dos reutos, les dos reutes prollongaes indefinidamente alcontraránse de la parte na que los dos ángulos son menores que dos reutos.

El primeru d'ellos úsalu Euclides non sólo nel sentíu de que por dos puntos pasa una reuta, sinón de qu'ésta ye única, porque tala xuntura yera'l novenu de los sos axomes. Ye verosímil qu'esti axoma tea intercaláu, y dellos consideren qu'ha colocase ente los postulaos, complementando al primeru. El cuartu postuláu, que pudiere paecer dalgo escuru a una mentalidá d'anguaño, ye usáu por Euclides nel sentíu de que cualesquier ángulu reutu pue superponese sobre cualesquier otru.

Enllaces esternos

• (castellán) Los Elementos d'Euclides.]

• Datos: Q5197118