Posada (Llanes)

Posada ye una parroquia de la fastera centru-occidental del conceyu asturianu de Llanes. Llenda al norte con un pequeñu tramu del mar Cantábricu a la vera derecha de la Boca'l ríu Beón; al sur y suroeste cola parroquia de Caldueñu; al suroeste cola de Vibañu; al este cola de Barru; y al oeste coles de Naves y Rales. La so estensión ye de 16,4 km² de terrenu mayormente llanu anque nel so estremu meridional, en El Monte Llabres, algámense los 715 m d'altor. Comprende los llugares de Bricia, Lledíes, Piedra, Quintana y Turancias, y la villa homónima, que ye, colos sos 924 habitantes, el segundu núcleu más grande del conceyu. La población total de la parroquia ye de 1.681 habitantes (INE, 2009).