Sablera de San Llorienzu

Sablera de San Llorienzu
	Ficheru:Símbolo Playa Accesible.svg
Carauterístiques xenerales
Llonxitú	1.500 m. a 1.800 m
Anchor mediu	Variable (40 - 100 m.)
Grau ocupación	Mui Alta
Grau urbanización	Mui Alta
Carauterístiques específiques
Tipu de playa	Urbana
Composición	Sustratu arenosu
Tipu sable	Roxo
Condiciones bañu	Folaxe Moderáu a Fuerte
Seguranza
Equipu de vixilancia	Sí
Señalización de peligru	Sí
Policía llocal	Sí
Equipu salvamentu	Sí
Accesibilidá
Accesible a discapacitaos	Sí
Tipu d'accesu	Fácil ; (Rodáu, a Pie, Bus)
Señalización d'accesu	Sí
	[editar datos en Wikidata]

La Sablera San Llorienzu^[1] o l'Arenal de San Pedro alcuéntrase en plenu centru de la ciudá asturiana de Xixón. Con una llonxitú de 1550 metros y forma de concha, ye una de les playes más emblemátiques d'Asturies. Prollóngase dende la escalera 0 (La Cantábrica), asitiada tres la Ilesia de San Pedro, hasta la escalera númberu 16 (zona popularmente conocida como El Tostaderu), na boca del ríu Piles. Por embargu, allárgase un pedreru per más de trescientos metros más hasta'l Mayán de Tierra, algamando una llonxitú total d'unos 1,8 km. Paralela a ella discurre'l Paséu d'El Muro, que continúa hacia L'Este más allá de la propia playa cola conocida sienda costera d'El Cervigón, un percorríu marítimu de más de 2 quilómetros que coneuta otres sableres como la d'El Rinconín o la de Peñarrubia.

Carauterístiques y condiciones de bañu[editar | editar la fonte]

Caracterízase por una sable fino y roxo, y por un agua de bona calidá. El folaxe ye moderáu/fuerte, estremándose trés zones de bañu diferenciaes y vixilaes por socorristes: La Escalerona (escalera 4), Centru (escaleras 7-8) y Piles (escalera 12). Normalmente la zona de La Escalerona ye la que presenta meyores condiciones de folaxe pal bañu. La gran amplitú de las marees que se da nesta sablera condiciona muncho'l so anchor.

Servicios[editar | editar la fonte]

La so alta ocupación y la so llocalización en plenu centru urbanu garanticen tou tipu de servicios: Duches, llavapiés, alquiler de tumbones y hamaques, guardarropa, taquielles, aseos, fontes d'agua, etc.

Cuenta con serviciu de salvamentu. Dende principios de mayu ofrez vixilancia fines de selmana y festivos; dende 1 de xunu hasta'l 30 de setiembre de contino n'horariu de 10:00 a 21:00 hores. La central de salvamentu alcuéntrase instalada na escalera númberu 12 y cuenta con serviciu de megafonía y información, emitiendo partes meteorolóxicos y del estáu de la mar cada hora. Nel mesmu edificiu de servicios alcuéntrase'l llar de la Policía Llocal.

Hai tamién una Oficina de Turismu a la altura de la escalera 4.

Deportes[editar | editar la fonte]

La playa ta preparada pal volley-playa, con dos pistes na escalera 15, y el fútbol playa, que se practica a l'altura de la escalera 4 (conocida popularmente como La Escalerona) cuando la marea lo permite. Otros deportes marítimos como'l surf, kayak de mar o windsurf tamién tienen llugar na Playa San Llorienzo.

Reconocimientos[editar | editar la fonte]

Nel branu del añu 2010 isóse pela primer vez la bandera "Ecoplayas"^[2] que foi consiguida de nuevo pa la temporada 2011.^[3] Tamién pal añu 2011 algamóse'l reconocimientu "Q" de Calidá Turística.^[4]

Ver tamién[editar | editar la fonte]

Referencies[editar | editar la fonte]

↑ Ramón d'Andrés. «Diccionariu Toponímicu del conceyu de Xixón». Conceyu de Xixón. Consultáu'l 2006.
↑ Diariu El Comercio, 9 de xunu de 2010
↑ Conceyu de Xixón
↑ Conceyu de Xixón

Enllaces esternos[editar | editar la fonte]

[San_Llorienzo-1] Ramón d'Andrés. «Diccionariu Toponímicu del conceyu de Xixón». Conceyu de Xixón. Consultáu'l 2006.

[2] Diariu El Comercio, 9 de xunu de 2010

[3] Conceyu de Xixón

[4] Conceyu de Xixón

[1]

[2]

[3]

[4]