Planches

De Uiquipedia
Saltar a: navegación, buscar
Animación d’una riestra de planches.

Les planches o flexones son un tipu d’exerciciu físicu realizáu en posición inclinada, cara abaxo, llevantando’l cuerpu solamente cola aida de los brazos, baxando otra vuelta al suelu de forma controlada y asina socesivamente.

L’oxetivu del exerciciu ye desarrollar los músculos pectorales y los tríceps, anque benefíciense tamién los deltoides, el serratu anterior, el coracobraquial y la resistencia anaeróbica. Ye un exerciciu fundamental pal entrenamientu nos ximnasios y especialmente pal entrenamientu militar.

Una variante del exerciciu consiste en facelu contra una paré. Cuanto más lloñe tean los pies de la paré, más abegosa ye la realización y, poro, más esixencia muscular hai. Otru cambéu qu’amenorga la dificultá del exerciciu consiste en cincar coles rodiyes en suelu, en cuenta de colos deos de los pies.

Execución[editar | editar la fonte]

  1. De mano’l prauticante ta echáu en suelu, cara abaxo, encontáu namái na parte delantera de los pies y nes palmes de les manes. Estes han tar a l’altura los costazos, colos deos en diagonal haza alantre.
  2. Siguidamente flexónense los brazos hasta cuasimente raspiar en suelu col cazu, ensin llegar a tener en nengún momentu contautu físicu col suelu (sacantes la palma de les manes y la punta los pies). Equí gárrase aire.
  3. Finalmente, tórnase a la posición inicial estirando los brazos, calteniendo tol tiempu’l llombu reutu y paralelu al movimientu. Échase l'aire.

Otros propósitos[editar | editar la fonte]

Les planches avecen facese tamién como una prueba d’aptitú, como un pequeñu castigu físicu de circunstancies, p’amosar les habilidaes físiques o como una demostración de sumisión.

Munches veces vense otres variantes desavezaes, feches con un aquel de competir; por exemplu flexones nel barru, la nieve o la tierra, col envís de que l’exerciciu sía más abegosu, o facelu inda más difícil, como pone-y al prauticante un pie o un pesu enriba’l llombu (escurque con sanciones si se pierde l’equilibriu), o facer l’exerciciu con encontu nos nudiellos, non emplegar tolos deos (anque siempre’l pulgar), llevantando una de les piernes, llevantar d’un blincu dando palmes enantes de cayer, facelu solamente con un brazu…