Pierre Gemayel

De Uiquipedia
Saltar a: navegación, buscar
Wiki letter w.svg

Esti artículu necesita ser wikificáu. Pues visitar la llista d'artículos pa wikificar. Contribúi camudando lo que seya necesario o poniendo na páxina d'alderique lo que nun conozas pa que l'autor faiga los camudamientos. Nun elimines esti avisu hasta que tea fináu tol trabayu.


Pierre Gemayel (6 de payares de 1905 - 29 d'agostu de 1984) Políticu libanés, foi'l fundaor del Partíu Kataeb (Falanxe Libanesa), parlamentariu y pá de Bashir Gemayel y Amine Gemayel que fueron presidentes del Líbanu.

Refugó'l mandatu francés sobro'l país nos años finales de la década de los 30 y nos entamos de los 40. Trabayó por un estáu independiente y llibre de cualaquier mena de poder y control estranxeru.

Hábil nes negociaciones polítiques yera consideráu polos sos seguidores como un dirixente pragmáticu y polos sos contrincantes como arteru, hipócrita y contradictoriu.

Sobrevivió a dellos intentos d'asesinatu a lo llargo de la so vida, vio morrer al so fíu Bashir el 14 de setiembre de 1982 al poco de ser nomáu presidente del país y sofitó a Amine Gemayel nel so gobiernu hasta'l día de la so muerte en 1984.

Biografía[editar | editar la fonte]

Pierre Gemayel nació'l 6 de payares de 1905 na ciudá de Mansourah, n'Exiptu. Depués vivió en pueblu de Bikfaya, en Líbanu, población onde la so familia xugara un papel bien importante dende 1540. Yera fíu d'Amine Bashir Gemayel, conocíu col alcuñu d'Abu Alí. Esti home xunto col so tíu viérense obligaos a marchar a Exiptu depués de ser condergaos a morrer en 1914 por refugar la dominación otomana.

Pierre yera cristianu maronita, estudió colos xesuites y fizo la carrera de farmacoloxía na Facultá de Melicina en Beirut participando nos Xuegos Olímpicos de 1936. Ye nesi mesmu añu cuando funda'l Partíu Kataeb (Falanxes Libaneses) xunto con Georges Naqqache, Charles Helou, Nassif Chafic o Franjieh Hamid.

Enantes y depués de la independencia del Líbanu la influencia política del Kataeb yera llimitada. Nun foi hasta la Guerra Civil de 1958 cuando Pierre Gemayel surde como un importante cabezaleru de los movimientos cristianos libaneses. Refugó una conspiración de los movimientos Nasseristes y de los panarabistes nacionalistes qu'intentaron derrocar el gobiernu del presidente Camille Chamoun sofitanto tamién la presencia de tropes estranxeres de calter pacíficu y d'intermediación nel conflictu d'orixe americanu en Líbanu.

Por mor de la guerra, Pierre Gemayel foi nomáu ministru nun gobiernu de xunidá. En 1960 foi elexíu diputáu na Asamblea Nacional pola circunscripción de Beirut.

Lluchó escomanadamente escontra les intenciones colonialistes de Francia y Siria sobro'l so territoriu. Refugó la presencia d'exiliaos palestinos que fuxíen de la guerra del 68. Pesie a la so refuga los palestinos consiguieron instalar delles bases opracionales nel sur del Líbanu dende onde s'atacaba y bombardeaba'l norte d'Israel.

Nos primeros momentos de la Guerra Civil de 1975 Pierre Gemayel defiende la invasión y la presencia siria en territoriu libanés magar que depués refugó la so presencia por considerar que yera de calter colonial. Decide entos axuntase con dellos grupos cristianos como los de Camille Chamoun, Charles Malik y Saqr Etienne pa lluchar escontra la presencia siria.

Pierre Gemayel muerre con 79 años d'edá tando naquellos díes formando parte d'un gobiernu de xunidá nacional.