Pierre-Auguste Renoir

De Uiquipedia
Saltar a: navegación, buscar
Pierre-Auguste Renoir
Crystal Project colors.png
PARenoir.jpg
Datos personales
Nacencia 25 de febreru de 1841
(Flag of France.svg Francia)
Muerte 3 d'avientu de 1919
Provenza-Alpes-Costa Azul (Flag of France.svg Francia)

Pierre Auguste Renoir (25 de febreru de 1841-3 d'avientu de 1919), ye un de los más célebres pintores franceses. Nun ye fácil clasificalu, perteneció a la escuela impresionista, pero dixebróse d'ella aína por mor del so interés pola pintura de cuerpos femeninos sobre los paisaxes, el pintor Rafael influyó-y abondo.

Biografía[editar | editar la fonte]

Pierre-Auguste Renoir, ca.1910

Auguste Renoir nació en Limoges en febreru de 1841. En 1845, Renoir y la so familia colaron a París. Ellí, Pierre-Auguste siguió los sos estudios fasta la edá de 13 años. Ya como adolescente, trabayó nel taller de los hermanos Lévy u pintó temes florales sobro porcelana fasta los 17 años. En 1858, Renoir pinta sobro abanicos. Asina adquirió'l gustu poles pieces con abonda lluminosidad y de pincelaes rápides.

En 1862, Renoir quedóse güérfanu y foi a un güerfanatu Gleyre u conoz a Monet, Bazille y Sisley. Los sos primeros cuadros d'estilu clásicu, románticu y realista nun foron nel so entamu bien criticaos. Magar que, la primera obra qu'espón na galería l'Esmeralda en 1864 tuvo perbona acoyida, pero depués de la esposición tarazóla. Pintó paisaxes y cuerpos humanos a esgaya, sobro too femeninos ( Lise Tréhot que fuera la so amante posó abondes vegaes). Esta moza tuvo importancia enforma na obra del pintor, yá que tres de dixebrase, hubo un cambéu nel estilu del autor. La carrera de Renoir realmente entama en 1867 cola esposición de la Lise à l'ombrelle.

l'almuerzu de los remeros. oleu. 1881

La etapa impresionista de Renoir foi ente 1870 y 1883. Sigue pintando paisaxes pero les obres más carauterístiques tienen por tema la vida social urbana. En toles sos temes l'énfasis ponlu na mocedá y la vitalidá.

Ente 1883 y 1890, Renoir entra nel so periodu ingresco. Depués del so viax per Italia, decide revisar el so estilu. Los contornos tórnense más precisos. Dibuxa les formes con abonda precisión, y los colores sedrán más fríos. Al facese pa por primera vegada dexa la pintura per un tiempu. En tornando al trabayu fai la más importante obra d'esti periodu Grandes baigneuses, cuadru que tardó tres años en finar.

Le Bal au Moulin de la Galette

De 1890 a 1900, Renoir camuda otra vuelta d'estilu. Agora ye un amestao de los estilos impresionista y ingresco. Caltién les temes Ingres pero les pincelaes esnidien pel llenzu como nel periodu impresionista. La so primer obra d'esti periodu Jeunes filles au piano, Mercóla l'estáu francés p'amosala nel Muséu de Luxemburgo. En 1894, Renoir ye pa por segunda vegada. La chacha de los sos fíos, Gabrielle Renard, conviértese na so modelo preferida.

Ente 1900 y 1919, Renoir entra nel so periodu de Cagnes. Nesta dómina sufre abondes crisis de reumatismu. Cola nacencia del so tercer fíu en 1901 la so pintura camuda.

Al morrer la so muyer Aline en 1915, Renoir, ya en siella de ruedes, continúa pintando pa afogar el so amarguriu.

En 1919, muerre en Cagnes-sur-Mer depués de visitar por cabera vegada'l Louvre u yá s'amuesen les sos pintures. Foi pa del destacáu cineasta francés Jean Renoir.

Véase tamién[editar | editar la fonte]

Enllaces esternos[editar | editar la fonte]