Philippe Buonarrotti

De Uiquipedia
Saltar a: navegación, buscar
Philippe Buonarroti

Filippo Giuseppe Maria Ludovico Buonarroti, más corrientemente conocíu como Philippe Buonarroti, (Pisa, Toscana, 11 de payares de 1761; París, 16 de setiembre de 1837) foi un revolucionariu francés d'aniciuitalianu.

Biografía[editar | editar la fonte]

Antígu Réxime[editar | editar la fonte]

Nació en Pisa dientro d'una familia de toscanos descendientes del hermanu del artista renacentista Miguel Ánxel, entama a los 17 años estudios de derechu, algama la titulación d'abogáu (1782), pero sigue sobre too les enseñances de los filósofos Sarti y Lampredi, que lu adientren nos escritos de Rousseau, Locke, Mably, Helvétius y Morelly. Repartiendo'l so tiempu ente discusiones filosófiques, collaboración con sociedaes secretes, asistencia a reuniones masóniques y la redación de panfletos, opónse rápida al réxime del Gran Duque de Toscana, Leopoldo. Russonianu afiliáu a los Iluminaos de Baviera, asoleya, en 1787, una Gazetta Universale progresista y favoratible a los disturbios revolucionarios d'Holanda, lo que-y valió tar perseguíu pola policía.