Peter Pan
Peter Pan ye'l nome del personaxe ficticiu creyáu pol escritor escocés James Matthew Barrie pa un musical lleváu a cáu en Londres el 27 d'avientu de 1904.
Sigún el cuentu de Barrie, Peter ye representáu como un guaḥe pequeñu que nun quier medrar y que vive xunto a un grupu conformáu por neños col mesmu rangu d'edá qu'elli, y que son nomaos Neños Perdíos- el País de Nunca Xamás, una islla onde conviven tanto pirates como fades y sirenes, y onde Peter Pan vive abondes aventures fantástiques demientres tola eternidá.
Inspiración del personaxe [editar]
J.M. Barrie creó al personaxe de Peter Pan n'histories que contaba a los fíos de la so amiga Sylvia Llewelyn Davies, cola que tuviera una rellación mui especial.
El nome del personaxe tuvo'l so aniciu a partir de dos términos estremaos:
- Del nome del fíu menor de Sylvia, llamáu Peter Llewelyn Davies.
- Del nome del Dios griegu de la biesca, Pan.
Tamién se mencionó que la inspiración directa pal personaxe foi l'hermanu mayor de Barrie, llamáu David, que morrió a la edá de 13 años nun accidente y esto afectó fondamente a so madre. Sigún Andrew Birkin (autor de "J. M. Barrie y los neños perdíos"), la muerte de David foi una catástrofe difícil d'asumir y de la qu'ella nunca se recuperó.
Na adaptación fílmica Finding Neverland, ye posible analizar de forma breve y sintetizada la manera argumental na que l'autor -interpretáu por Johnny Depp-, concluyó na realización del personaxe a través de la so rellación sentimental cola familia de Sylvia Llewelyn Davies -interpretada por Kate Winslet -.
Barrie redactó finalmente un total de tres obres sobre Peter:
- Peter Pan in Kensington Gardens / Peter Pan nos Xardinos Kensington
- The Boy Who Wouldn´t Grow Up / El neñu que nun quería medrar
- Peter Pan and Wendy / Peter Pan y Wendy
