Pedro Menéndez d'Avilés

De Uiquipedia
Saltar a: navegación, buscar
Casa natal de Pedro Menéndez

Pedro Menéndez d'Avilés, (Avilés, 1519 - Santander 17 de setiembre de 1574), foi'l primer gobernador asturianu de Florida. Fundó la ciudá de San Agustín el 28 d'agostu de 1565, l'asentamientu continuu d'europeos más antiguu nos actuales Estaos Xuníos.

Tenía 46 años cuando algamó'l máximu rangu dientro de l'armada española. En 1554 mandara la flota qu'unvió'l rei Felipe II a Inglaterra pa casase cola reina María; en 1561, dirixó la flota de galeones que tresportaben los metales preciosos dende México. Tres unos años nos que cayó en desgracia, foi nomáu adelantáu de Florida pa esplorala y colonizala. Llegó al so destín el 28 d'agostu de 1565, día de San Agustín. Alcontrándose con una colonia d'hugonotes que yá taben establecíos, pasólos a cuchellu y los supervivientes qu'intentaron fuxir foron algamaos a la vera d'un ríu u foron degollaos: el ríu tomó'l nome de Matanzas (anguaño St. Johns). Tres afitar el dominiu español en Florida, percorrió'l Caribe persiguiendo pirates, tornando a España en 1567.

Nel so honor, Avilés recibe'l nome de Villa del Adelantáu.