Partido Regionalista del País Leonés

De Uiquipedia
Saltar a: navegación, buscar

El Partido Regionalista del País Leonés o PREPAL (Partíu Rexonalista del País Lleonés) ye un partíu políticu que nagua pola autonomía pal País Lleonés.

Dempués de les eleiciones xenerales de 1979 u se presentaron pal Senáu D. Francisco Iglesias Carreño y Dª. Inés Gutierrez Carbajal pol enxame d'electores "Zamoranos por Zamora", el primeru proyeuta, nun aconceyamientu na ciudá de Toro, el "Partido Regionalista del País Leonés", pa defender y caltener los drechos constitucionales de la Rexón Lleonesa, la so historia, la so cultura, la so idiosincrasia, etc. El 18 de setiembre de 1980 va ser llegalizáu dafechu.

El so presidente ye Francisco Iglesias Carreño, dende 1993.

PREPAL foi la primera entidá política a reclamar l'autonomía pa la rexón lleonesa. Sicasí preséntase a toles eleiciones (Europees, xenerales, autonóniques y conceyeres) dende la so creación. Ye'l partíu decanu del lleonesismu nes tres provincies lleoneses (Salamanca, Zamora y Lleón).

Nes eleiciones autonómiques del 8 de mayu de 1983, en coalición col Bloque Agrario, consolidóse como tercera fuerza política pañando abondu númberu de votos: Salamanca 11.622 (5,83 %); Zamora 2.896 (2,32 %); Lleón 11.048 (4,28 %).

Nes eleiciones Xenerales de 1986 fonon refugaes les llistes del PREPAL pola griesca llegal por aciu d'un grupu esgayáu illegalmente, que avenceyóse nuna coalición apellada "Convergencia Leonesista". Escontra d'esta gafura de la "Junta Electoral Central" l'Audiencia Territorial esclarió sentencia favoritible al PREPAL. Cinco partíos (PSOE, PRD, CDS, FE y Convergencia Leonesista" ficienon recursu y, sicasí tuvo suspensu'l procesu eleutoral nes tres provincies lleoneses. La griesca llegal fora ganada pol PREPAL que conservara les sos sigles.

Fonon secretarios xenerales d'esti partíu D. Francisco Iglesias Carreño, D. Miguel Angel de Diego Núñez, D. Rafael de Diego Núñez, D. José Miguel Trufero Barrios.

Enllaces esternos[editar | editar la fonte]