Partíu Nacional Frisón

El Partíu Nacional Frisón (en frisón Fryske Nasjonale Partij, FNP), ye un partíu nacionaliegu fundáu nel 1962, favoratible a la independencia de la Frisia y de más reconocencia a la llingua frisona. Asinamesmo, ye d'estratexa posibilista, y tien dellos representantes institucionales nel parllamentu frisón y en dellos conceyos. El principal dirixente ye'l presidente Aalsen Everts y fai parte de l'Alianza Llibre Europea.

Oxetivos

Los oxetivos políticos del FNP son los tradicionales nel nacionalismu frisón; defensa de la llingua y cultura frisones, afondar na autonomía política al traviés de l'ampliación de les competencies de los parllamentos provinciales, incluyíes l'asunción de poderes llexislativos y financieros per parte del parllamentu provincial hasta algamar l'estatutu d'Estáu Federáu a Holanda; ampliación de competencies nos conceyos y eleición direuta de los alcaldes. Sicasí, al contrario que los grupos nacionaliegos frisones de la preguerra, adopta un programa democráticu, lliberal-progresista, aconfesional y que nel futuru fadrá concesiones a feministes y ecoloxistes.

Historia

El 1962 un grupu d'estudiantes y dellos sobrevivientes de la Jongfryske Mienskip, influyíos pol federalismu européu y dempués d'estudiar otros movimientos nacionaliegos europeos, fundaron el Partíu Nacionalista Frisón (FNP), y adoptaron el llema Leaver death as staff (Enantes la muerte que la esclavitú), col envís nun entamu d'actuar más como un grupu de presión que non de presentase a les eleiciones.

Con too y con esto, en 1966 presentaríase per primer vegada a les eleiciones al parllamentu provincial, y namái que ye pa algamar el 2,4 % de los vots y un diputáu, anque nótase un espoxigue modestu de la so afiliación y a la llarga unos resultaos eleutorales estables, anque'l percentax de votu más altu va tenelu siempres nes rexones rurales del centru de Frísia, cosa que-y va provocar la obtención de meyores resultaos nes eleiciones municipales (un 15 % de votos nos conceyos sudoccidentals) que non a les provinciales.

El so espoxigue va permití-y aumentar fasta'l 4,5 % nes eleiciones provinciales del 1970 y rl 7,4 % (el meyor resultáu de la so historia) nes de 1974. Esta marca nun la diba ameyorar hasta'l 1999, cuando algamó'l 8,4$ de los votos nel parllamentu provincial.

Les concesiones culturales del gobiernu de los Países Baxos desactivaron la capacidá d'espoxigue del GNP, que dempués de los bonos resultaos de 1974 baxó otra vegada al al 4,8 % mes eleiciones de 1978, xubiendo un pocu fasta'l 5,4 % nes de 1984 i dende entós p'acá caltiénse estable (el 6,4 % nes de 1991 y el 6,08 % nes de 1995) y allancáu, magar que caltién cierta capacidá de movilizar al restu los partíos na defensa de los intereses frisones, como cuando'l gobiernu de L'Haya va plantegar a finales de los 70 poner en práutica una nueva división provincial que diba esborriar les antigües rexones, y, poro, dixebraría Frísia. Les movilizaciones foren un ésitu y el plan abandonóse.

Enllaces esternos

• Paxina oficial del FNP, en frisón

Enllaces esternos

• Wikimedia Commons tien conteníu multimedia tocante a Partíu Nacional Frisón.

• Datos: Q371095
• Multimedia: Fryske Nasjonale Partij