Palaciu de Westminster

De Uiquipedia
Saltar a: navegación, buscar
Palaciu de Westminster vistu dende una cabina del London Eye.

El Palaciu de Westminster ye'l llugar nel qu'aconceyen les dos cámares del Parllamentu del Reinu Xuníu (la Cámara de los Lores y la Cámara de los Comunes). El palaciu asítiase a la vega norte del ríu Támese en Westminster en Londres, cerca d'otros edificios gubernamentales en Whitehall.

El palaciu sirvió nun entamu como residencia eral, magar que nengún monarca vivió nél dende'l sieglu XVI. La mayor parte de la estructura d'anguaño ye del sieglu XIX, fecha na que'l palaciu foi reconstruyíu tres d'una quema'n 1834 qu'esfizo la mayor parte l'edificiu. Los arquiteutos responsables de la reconstrucción del palaciu foron Sir Charles Barry y Augustus Pugin. L'edificiu ye un exemplu del estilu neogóticu. Una de les carauterístiques más siñalaes ye la torre del reló, una atraición turística qu'agospia la campana llamada Big Ben, nome que se-y da erróniamente al reló de la torre.

El Palaciu de Westminster vistu dende l'otru llau del ríu Támesis.

El palaciu contién más de mil habitaciones, siendo les más importantes les correspondientes a los salones de la Cámara de los Lores y la Cámara de los Comunes. El palaciu tamién inclui sales de reunión, biblioteques, pasiellos, comedores, chigres y ximnasios. Ye'l llugar onde se cellebren importantes ceremonies d'estáu, de les que la más importante ye la Ceremonia d'apertura del Parllamentu. El palaciu ta mui venceyáu coles dos Cámares, como lo amuesa l'emplegu de la pallabra "Westminster" pa referise al "Parllamentu". Les oficines de los parllamentarios atópense nos edificios próximos, como la Casa Portcullis y los Edificios Norman Shaw.

Enllaces esternos[editar | editar la fonte]

Palaciu de Westminster
Wikimedia Commons tien archivos rellacionaos con: