Organización Nacional de Ciegos d'España

De Uiquipedia
Saltar a: navegación, buscar

La Organización Nacional de Ciegos d'España (ONCE) ye una Entidá de Drechu Públicu de calter social y democráticu ensin ánimu de llucru que tien como oxetivu fundamental meyorar la calidá de vida de los ciegos y deficientes visuales de toa España.

Trátase d'una organización mui activa que participa nos estremaos foros nacionales y internacionales sobro ceguera y discapacidá, promoviendo tamién distintes iniciatives p'algamar la so función.

Pa llevar a cabu'l so llabor cunta col enfotu y beneplácitu de l'Alministración pública al traviés del Conseyu del Proteutoráu nel que s'integren los ministerios de Economía y Facienda, Trabayu y Asuntos Sociales y Interior.

Historia de la ONCE[editar | editar la fonte]

Luis del Rosal y Caro (Loja, 20 de xunu de 1881 - Cádiz, el día 24 d'ochobre de 1957), perteneció al Cuerpu de Secretarios Xenerales de Gobiernos Civiles Redautó los primeros Reglamentos de la Sociedá de Ciegos enantes de pasar a ser la Organización Nacional de Ciegos Españoles «ONCE».

En Cádiz fundó y estableció cola tolerancia de les Autoridaes Provinciales nel añu de 1928 el cupón benéficu de ciegos de la provincia Sociedá de Socorru y Defensa del Ciegu, que dempués espurrióse a Xeréz de la Frontera. El 13 de payares de 1938, el gobiernu de Burgos firma'l decretu fundacional de la ONCE, -nomada daquella ONC (Organización Nacional de Ciegos) d'esta manera unifíquense les diferentes asociaciones de y pa ciegos esistentes fasta entóncenes, ente les que destacaben el Sindicat de Cecs de Catalunya y l'asociación sevillana La Hispalense, de la que'l so cupón serviría de bas pa la futura ONCE, con espurrimientu demientres l'añu al restu d'Andalucía y en 1942 por decretu en toa España. Al ser treslladáu al Gobiernu Civil de Badajoz y tomar posesión fundó y estableció'l Cupón de Ciegos el 9 de xunu de 1936. En 1928 fundó la Sociedá de Socorros Mutuos tituláu: “Cooperativa de tabaqueros los 41”.

Cupón.

Xunciéndose d'esti xeitu los esfuercios de les distintes asociaciones de ciegos esistentes consiguióse la reconocencia y l'abeyu del Estáu pa la venta del Cupón Pro-Ciegos (más conocíu anguaño como Cupón de la ONCE), una llotería que permite a la entidá financiase, al empar que da puestos de trabayu a munchos de los afiliaos. Esperimentó un fuerte incrementu na so actividá de magar la década de 1980.

L'añu 1981 foi llave nel senu d'esta Organización yá que de la mano de D. Félix Hernández Delso, a la razón Xefe Nacional de la ONCE, y d'ún gurupu emerxente de xóvenes idealistes, la democracia llegó a la Institución. En 1986 el gurupu Unidá Progresista ganó pola mano les eleiciones internes y gobierna de magar entós con un encontu que perpasa'l 90% de los eleutores afiliaos.

Ver tamién[editar | editar la fonte]

Enllaces esternos[editar | editar la fonte]

  • ONCE, Organización Nacional de Ciegos d'España
  • CEPES, Confederación Empresarial Española de la Economía Social
  • RehaSoft, Aides Téuniques Ceguera y Baxa Visión